തലശ്ശേരി: തലശ്ശേരിയിലും സമീപ പ്രദേശങ്ങളിലും കഴിഞ്ഞദിവസമുണ്ടായ അക്രമസംഭവങ്ങളെ തുടര്ന്ന് തലശ്ശേരിയില് പോലീസ് ഉഭയകക്ഷിയോഗം വിളിച്ചുചേര്ത്തു. ഡിവൈഎസ്പി പ്രിന്സ് എബ്രഹാം വിളിച്ചുചേര്ത്ത യോഗത്തില് സംഘപരിവാര് നേതാക്കളായ എം.പി.സുമേഷ്, ഒ.എം.സജിത്ത്, പുറക്കണ്ടി രാജീവന് എന്നിവരും സിപിഎം ലോക്കല് സെക്രട്ടറി എം.വി.ജയരാജന്, ഡിവൈഎഫ്ഐ നേതാവ് വിജേഷ് എന്നിവരും പങ്കെടുത്തു. മേഖലയിലുണ്ടായ അക്രമങ്ങള് അടിയന്തിരമായി അവസാനിപ്പിക്കണമെന്ന് യോഗം നിര്ദ്ദേശിച്ചു. എല്ലാ മാസവും സിഐയൂടെ നേതൃത്വത്തില് സമാധാനയോഗം വിളിച്ചു ചേര്ക്കുക, കേസുകളില്പ്പെട്ട യഥാര്ത്ഥ പ്രതികളെ മാത്രം അറസ്റ്റു ചെയ്യുക, പ്രശ്നങ്ങളുണ്ടാകുന്ന സ്ഥലങ്ങളില് ഇരുപാര്ട്ടികളുടെയും പ്രാദേശിക നേതൃത്വം ഇടപെട്ട് പരിഹാരം കണ്ടെത്തുക തുടങ്ങിയ തീരുമാനങ്ങള് യോഗം കൈക്കൊണ്ടു. തലശ്ശേരി സിഐ പ്രദീപ് കണ്ണിപ്പൊയിലും യോഗത്തില് പങ്കെടുത്തു. മാസങ്ങളായി കണ്ണൂര് ജില്ലയില് വ്യാപകമായും മുഖ്യമന്ത്രിയുടെ നാടായ പിണറായി അടക്കമുള്ള സ്ഥലങ്ങളില് സിപിഎം അക്രമികള് ബിജെപി ആര്എസ്എസ് പ്രവര്ത്തകരെ വേട്ടയാടുകയാണ്. കൊലപാതകങ്ങളും വീടാക്രമങ്ങളും വാഹനങ്ങള് തകര്ക്കുന്നതും നിത്യസംഭവമായി മാറിയിരുന്നു. എന്നാല് സിപിഎം താത്പര്യത്തിന് വഴങ്ങി അക്രമികള്ക്കെതിരെ നടപടി സ്വീകരിക്കാന് പോലീസ് ഇതേവരെ തയ്യാറായിരുന്നില്ല. പകരം കള്ളക്കേസ് ചുമത്തി ആര്എസ്എസ് ബിജെപി പ്രവര്ത്തകരെ ജയിലിലടക്കാനുള്ള ശ്രമമാണ് പോലീസ് നടത്തിയിരുന്നത്. എന്നാല് ഇന്നലെ തലശ്ശേരിയില് പോലീസ് ബോധോദയമുണ്ടായതു പോലെയാണ് ഉഭയകക്ഷിയോഗം വിളിച്ചുചേര്ക്കാന് തയ്യാറായത്.
അക്രമം: തലശ്ശേരിയില് പോലീസ് ഉഭയകക്ഷി യോഗം വിളിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.