പാനൂര്: വസന്തം വിരിയിച്ച വസന്തോത്സവത്തിന് സമാപനം. വൈദ്യര്പീടികയില് ഒന്പതു ദിവസമായി നടന്നു വന്ന ഗ്രാമീണ കൂട്ടായ്മയ്ക്കാണ് ഇന്നലെ പ്രൗഢമായ പരിസമാപ്തിയായത്. സമാപന പരിപാടി എന്ടിയു സംസ്ഥാന ഉപാദ്ധ്യക്ഷന് സി.സദാനന്ദന് മാസ്റ്റര് ഉദ്ഘാടനം ചെയ്തു. വൈവിധ്യങ്ങളുടെ നാട്ടില് ഒരുമ വിരിയിക്കാന് ഇത്തരം കൂട്ടായ്മകള് അനിവാര്യമാണെന്ന് ഉദ്ഘാടന പ്രസംഗത്തില് അദ്ദേഹം പറഞ്ഞു. നന്മകളുടെ ആവിഷ്ക്കാരമാണ് ഇവിടെ കാണാന് സാധിക്കുന്നത്. ഇതു സമൂഹത്തിലെ രസക്കേടുകളെ ഇല്ലായ്മ ചെയ്യും. ഈ കൂട്ടായ്മ ഏവര്ക്കും മാതൃകയാണെന്നും സി.സദാനന്ദന് മാസ്റ്റര് അഭിപ്രായപ്പെട്ടു. സംഘാടക സമിതി ചെയര്മാന് എന്കെ.നാണു മാസ്റ്റര് അദ്ധ്യക്ഷത വഹിച്ചു. ജമീന ഇര്ഷാദ് മുഖ്യപ്രഭാഷണം നടത്തി. എന്.എ.കരീം, കെ.പി.സഞ്ജീവ്കുമാര്, ടി.അബൂബക്കര്, മുരളി ഏറാമല, അബ്ദുറഹിമാന് തുടങ്ങിയവര് പ്രസംഗിച്ചു. കെഎം.ബാബു സ്വാഗതവും വി.ഹാരിസ് നന്ദിയും പറഞ്ഞു. തുടര്ന്ന് പട്ടുറുമാല് ഗാനമേള അരങ്ങേറി. പാനൂര് നഗരസഭയിലെ നാലാംവാര്ഡ് വികസനസമിതിയാണ് കാര്ഷികമേള വസന്തോത്സവം സംഘടിപ്പിച്ചത്. വിവിധ സ്റ്റാളുകള്, അമ്യൂസ്മെന്റ് പാര്ക്ക്, കലാപരിപാടികള്, വിവിധ മത്സരങ്ങള് എന്നിവ പരിപാടിയുടെ മാറ്റ് കൂട്ടി. വാര്ഡ് കൗണ്സിലര് വി.ഹാരിസ്, വികസനസമിതി ചെയര്മാന് എന്.കെ.നാണു മാസ്റ്റര് എന്നിവരുടെ നേതൃത്വത്തിലാണ് രാഷ്ട്രീയവും മതവും മറന്ന് സാമൂഹ്യസമരസതയുടെ കാഹളം മുഴക്കി വസന്തോത്സവം നടന്നത്.
വസന്തോത്സവം സമാപിച്ചു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.