മാഞ്ചസ്റ്റര്: സൂപ്പര്മാര്ക്കറ്റില്, പാവക്കുട്ടിയെന്നു കരുതി അറുപത്തിരണ്ടുകാരന് ഇടിച്ചത് അഞ്ചു ദിവസം പ്രായമായ കുഞ്ഞിന്റെ മുഖത്ത്. എല്സി ഡ്യൂക്കേഴ്സിനു അടിയന്തര ചികിത്സ നല്കി, പരിക്ക് സാരമല്ല.
അമ്മ ആമി ഡ്യൂക്കേഴ്സ് (27), കുഞ്ഞിനെയും കൂട്ടി വീടിനടുത്തെ ടെസ്കോ സൂപ്പര് മാര്ക്കറ്റില് പോയതാണ്. പങ്കാളി ലെവിസ് ടെമ്പിളും ഏഴുവയസുകാരി മകള് ലിബ്ബിയും ഒപ്പമുണ്ടായിരുന്നു.
പാവയാണെന്നു കരുതിയാണ് ഇടിച്ചതെന്ന് പോലീസ് പിടിയിലായ ആള് കുറ്റസമ്മതം നടത്തിയതായി ഗ്രേറ്റര് മാഞ്ചസ്റ്റര് പോലീസ് അറിയിച്ചു.
