അലസസ്യ കുതോ വിദ്യാ
അവിദ്യസ്യ കുതോ ധനം
അധനസ്യ കുതോ മിത്രം
അമിത്രസ്യ കുതഃ സുഖം
ഒരു മനുഷ്യന്റെ ഏറ്റവും വലിയ ശത്രു ആലസ്യമാണ്. ആലസ്യമാണ് അടിസ്ഥാന ഭാവമെങ്കില് അത്തരം മനുഷ്യര്ക്ക് ഒരു കാലത്തും ഉയര്ച്ചയുണ്ടാകുകയില്ല. അലസനായ ഒരുവന് ഏവിടെനിന്നാണ് വിദ്യനേടാന് കഴിയുക? ജ്ഞാനസമ്പാദനം ശരിയാകണമെന്നുണ്ടെങ്കില് ആ വ്യക്തി എപ്പോഴും ജിജ്ഞാസു ആയിരിക്കണം. അറിയാനുള്ള ആഗ്രഹമാണ് ജിജ്ഞാസ. വിദ്യനേടാത്ത ഒരുവന് ഏവിടെനിന്നാണ് ധനം ലഭിക്കുക? ദൈനദിന ജീവിതത്തിന് ധനവും മറ്റ് അടിസ്ഥാന സൗകര്യങ്ങളും ആവശ്യമാണ്. ഈവയെല്ലാം നേടണമെന്നുണ്ടെങ്കില് ധനം ആവശ്യമാണ്. ധനം നേടണമെന്നുണ്ടെങ്കില് വിദ്യയും ആവശ്യമാണ്. ഈ പ്രകാരം നമ്മുടെ കൈവശം ധനം ഇല്ലായെന്നുണ്ടെങ്കില് അങ്ങനെയുള്ള ഒരാള്ക്ക് കൂട്ടുകാരനെ ലഭിക്കുകയില്ല. അതായത് സമ്പത്ത് ഉണ്ടായെങ്കില് മാത്രമേ ആള് ബലവും ഉണ്ടാവുകയുള്ളൂ. അങ്ങനെ കൂട്ടുകാരന് കൂടി ഇല്ലായെന്നുണ്ടെങ്കില് അപ്രകാരമുള്ള ഒരാള്ക്ക് എവിടെനിന്നാണ് സുഖം ലഭിക്കുക? ചുരുക്കി പറഞ്ഞാല് സുഖം ലഭിക്കണമെന്നുണ്ടെങ്കില് മിത്രങ്ങളും, മിത്രങ്ങള് ലഭിക്കണമെന്നുണ്ടെങ്കില് ധനവും, ധനം ലഭിക്കണമെന്നുണ്ടെങ്കില് വിദ്യയും നേടേണ്ടതാണ്. ഏതൊരുനേട്ടത്തിന്റെ അടിസ്ഥാനം വിദ്യാസമ്പാദനം തന്നെയാണ്.
