ഇരിട്ടി: നരേന്ദ്രമോദി അധികാരത്തില് എത്തിയ ശേഷം ഇന്ത്യയില് നടമാടിയിരുന്ന അഴിമതിയും സാമ്പത്തിക മാന്ദ്യവും മറ്റും ഇല്ലാതാക്കിയതിലൂടെ ബിജെപി തങ്ങളുടെ സ്വാധീന മേഖല വര്ദ്ധിപ്പിച്ചത് കേരളത്തില് മാത്രം സ്വാധീനമുള്ള സിപിഎമ്മിനെയും ഇന്ത്യയിലാകെ നാമാവിശേഷമായി മാറിയ കോണ്ഗ്രസ്സിനെയും വെപ്രാളത്തിലാക്കിയിരിക്കയാണെന്നു ബിജെപി ഉത്തര മേഖലാ ജനറല് സെക്രട്ടറി കെ.നാരായണന് മാസ്റ്റര് പറഞ്ഞു. ഇരിട്ടി മാരാര്ജി മന്ദിരത്തില് പേരാവൂര് നിയോജകമണ്ഡലം ബിജെപി സജീവാംഗങ്ങളുടെ സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ഉത്തരേന്ത്യയില് ഒറ്റപ്പെട്ടുണ്ടാവുന്ന ദളിത് പീഡനങ്ങളും മറ്റും ഇവിടെ ചര്ച്ചയാക്കി മോദി സര്ക്കാരിന്റെ പ്രതിച്ഛായ തകര്ക്കാനുള്ള ശ്രമം സിപിഎമ്മും കോണ്ഗ്രസ്സും ഇവിടുത്തെ മാദ്ധ്യമങ്ങളും ചേര്ന്ന് നടക്കുമ്പോള് തങ്ങളുടെ മൂക്കിനു കീഴെ കേരളത്തില് നടക്കുന്ന ദളിത് പീഡനങ്ങള് കണ്ടില്ലെന്നു നടിക്കുകയാണ് ഇവര് ചെയ്യുന്നത്. പിണറായി വിജയന്റെ നൂറ് ദിവസത്തെ ഭരണത്തില് എഴുപതു കൊലപാതങ്ങളാണ് കേരളത്തില് നടന്നതെന്നും സിപിഎം അധികാരത്തില് വന്നതോടെ മാതാചാരങ്ങള്ക്കെതിരെ കടന്നു കയറ്റം നടക്കുന്നതായും അദ്ദേഹം പറഞ്ഞു. യോഗത്തില് മണ്ഡലം പ്രസിഡന്റ് പി.എം.രവീന്ദ്രന് അദ്ധ്യക്ഷത വഹിച്ചു. ജില്ലാ നേതാക്കളായ മോഹനന് മാനന്തേരി, മനോഹരന് വയോറ, കൂട്ട ജയപ്രകാശ് തുടങ്ങിയവര് പ്രസംഗിച്ചു. എം.ആര്.സുരേഷ് സ്വാഗതവും സത്യന് കൊമ്മേരി നന്ദിയും പറഞ്ഞു.
സിപിഎമ്മും കോണ്ഗ്രസ്സും ആശങ്കയില്: നാരായണന് നമ്പൂതിരി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.