ന്യൂദല്ഹി: വിവാദ മതപ്രഭാഷകന് സക്കീര് നായിക്കിനും ഇസ്ലാമിക് റിസേര്ച്ച് ഫൗണ്ടേഷനുമെതിരെ (ഐആര്എഫ്) ഭീകര വിരുദ്ധ നിയമ പ്രകാരം കേസെടുക്കാമെന്ന് നിയമോപദേശം. കേന്ദ്ര ആഭ്യന്തരമന്ത്രാലയമാണ് ഇതു സംബന്ധിച്ച നിയമോദേശം തേടിയത്.
സക്കീറിന്റെ വിവാദപരമായ പ്രവര്ത്തനങ്ങള്ക്കെതിരെ എന്തെല്ലാം നടപടി സ്വീകരിക്കാമെന്ന് ആഭ്യന്തരമന്താലയം നിയമജ്ഞരോട് ആരാഞ്ഞിരുന്നു.
ഭീകരവാദവും വര്ഗ്ഗീയതയും ശത്രുതയും വളര്ത്തുന്നതിന് സക്കീറിന്റെ മതപ്രഭാഷണങ്ങള് പ്രേരകമായിട്ടുണ്ട്. അതിനാല് തന്നെ ഭീകര വിരുദ്ധ നിയമ പ്രകാരം സക്കീറിനെതിരെ കേസെടുക്കാമെന്നാണ് നിയമോപദേശം.
ഭീകരവാദം വളര്ത്തുന്നതിന് ആവശ്യമായ ഫണ്ടുകള് സക്കീറിന്റെ സംഘടനയായ എന്ജിഒ ഐആര്എഫിലേയ്ക്ക് ഒഴുകിയതായും നേരത്തെ തെളിഞ്ഞിരുന്നു. അതുകൊണ്ട് തന്നെ സംഘടനയ്ക്കെതിരേയും ഭീകരവിരുദ്ധ നടപടി സ്വീകരിക്കാമെന്നാണ് ആഭ്യന്തരമന്ത്രാലയത്തിന് ലഭിച്ച നിയമോപദേശം.
ധാക്ക ഭീകരാക്രമണം നടത്തിയ ഭീകരിലൊരാള്ക്ക് ആക്രമണത്തിന് പ്രേരകമായത് സക്കീറിന്റെ പ്രഭാഷണമാണെന്നും വെളിപ്പെട്ടിരുന്നു.
