ന്യൂദല്ഹി: പെപ്സിയുമായി പതിനൊന്ന് കൊല്ലം നീണ്ട ധോണിയുടെ കരാര് അവസാനിപ്പിച്ചു. ഇന്ത്യ ടെസ്റ്റ് ക്യാപ്റ്റന് വിരാട് കോഹ്ലി പകരക്കാരന്.
കളിക്കളത്തില് ധോണിയുടെ കാലം അവസാനിക്കുന്നുവെന്ന വിലയിരുത്തലും സൂപ്പര്താരമായി ഉയരുന്ന കോഹ്ലിയുടെ നാളുകളാണ് ഇനിയെന്ന തിരിച്ചറിവുമാണ് ധോണിയുമായി ഒരു പതിറ്റാണ്ടിലധികം നീണ്ട ബന്ധം അവസാനിപ്പിക്കാന് പെപ്്സികോയെ പ്രേരിപ്പിച്ചത്.
2005 ലാണ് മഹേന്ദ്ര സിങ് ധോണി പെപ്സി കോളയുടെ ബ്രാന്ഡ് അംബാസഡറായത്. ‘ഓ യെസ് അഭി’, ‘ചെയ്ഞ്ച് ദ ഗെയിം’ എന്ന ക്യാപ്ഷനോടെ എത്തിയ പരസ്യം പെട്ടെന്നുതന്നെ വലിയ തരംഗമായി മാറി. 2014ല് 18 മേജര് ബ്രാന്ഡുകള് ധോണിയുമായി കരാറിലേര്പ്പെട്ടിരുന്നെങ്കിലും ഇപ്പോള് പത്തായി കുറഞ്ഞു.
ധോണിയെ പരസ്യത്തില് നിന്ന് ഒഴിവാക്കിയ കാര്യം കമ്പനി വൈസ് പ്രസിഡന്റ് വിപുല് പ്രകാശ് സ്ഥിരീകരിച്ചു. അതേസമയം, പെപ്സികോയുടെ പരസ്യത്തില് നിന്ന് ഒഴിവാക്കിയതിനെക്കുറിച്ച് ധോണി ഇതുവരെ പ്രതികരിച്ചിട്ടില്ല.
