സ്റ്റോക് ഹോം: രണ്ടെണ്ണം വീശി, വണ്ടിയില് ചീറിപ്പായുന്നതില് ചിലര്ക്ക് ലഹരിയാണ്. അങ്ങനെ വണ്ടിയോടിച്ച്, നിര്ഭാഗ്യരെ നിരത്തില് ഇടിച്ചിട്ടുകൊലപ്പെടുത്തിയാലും രക്ഷപ്പെടുന്നവരുമുണ്ടാകാം. സുരക്ഷാ ഉദ്യോഗസ്ഥര് പിടികൂടിയാല് സ്വാധീനം പറഞ്ഞോ, കൈമടക്കു കൊടുത്തോ കടന്നു പോകുന്ന വിരുതരുമുണ്ടാകാം. അതൊക്കെ പക്ഷേ, ഇവിടെ, നമ്മുടെ നാട്ടില്. എന്നാല്, ഇങ്ങനെയൊരു വിനോദത്തിന് മന്ത്രിപ്പണിതന്നെ നഷ്ടമായി സ്വീഡനില് എയ്ഡ ഹഡസിയാലിക്കിന്.
എയ്ഡ 29-ാം വയസ്സില് ഉന്നത വിദ്യാഭ്യാസ വകുപ്പു മന്ത്രിമാത്രമല്ല, സര്ക്കാര് ചരിത്രത്തില് ആദ്യത്തെ വനിതാ മുസ്ലിം മന്ത്രിയും. അകത്താക്കാവുന്നതിനേക്കാള് കൂടുതലളവില് കുടിച്ച് വണ്ടിയോടിച്ച എയ്ഡ ഇപ്പോള് പശ്ചാത്തപിക്കുന്നു, ജീവിതത്തിലെ ഏറ്റവും വലിയ പിഴവായിപ്പോയി അതെന്ന്.
രണ്ടു ഗ്ലാസ് വൈന് വരുത്തിയ വിന: മന്ത്രിപ്പണിപോയി. ഇനി നിയമപ്രകാരം, രക്തപരിശോധനയില് 0.2 ഗ്രാം ആള്ക്കഹോള് കണ്ടെത്തിയാല്, ആറുമാസം തടവുശിക്ഷയനുഭവിക്കേണ്ടിവരും. മന്ത്രിസ്ഥാനത്തുനിന്നുള്ള രാജിയെക്കുറിച്ച് എയ്ഡ പറയുന്നു; ഞാന് ചെയ്തത് അത്ര ഗുരുതരമായ തെറ്റാണെന്ന് എനിക്കറിയാം. മൂക്കറ്റം കുടിച്ച് വണ്ടിയോടിക്കുന്നവര് ഇതുകൂടിയറിയണം, സ്വീഡനാണ് വണ്ടിയോടിക്കുന്നവര്ക്ക്് ഉപയോഗിക്കാവുന്ന അളവ് ഏറ്റവും കുറവ് ഉപയോഗം അനുവദിച്ചിട്ടുള്ള യൂറോപ്യന് രാജ്യം.
