ന്യൂദല്ഹി: ബജറ്റ് അവതരിപ്പിക്കാന് ലോക്സഭയില് ഇനി റെയില്വേ മന്ത്രി എഴുന്നേല്ക്കില്ല. അതേച്ചൊല്ലി കലഹിക്കാന് അംഗങ്ങള്ക്കും അവസരമില്ല. ബ്രിട്ടീഷ് ഭരണത്തിന്റെ ബാക്കിപത്രമായ നടപടിക്രമം ബിജെപി സര്ക്കാര് അവസാനിപ്പിക്കുന്നു. അടുത്ത സാമ്പത്തിക വര്ഷം മുതല് പൊതു ബജറ്റിനൊപ്പമാകും റെയില് ബജറ്റ്. പൊതുബജറ്റില് ലയിപ്പിക്കാനുള്ള നിര്ദേശം കേന്ദ്ര ധനമന്ത്രാലയം അംഗീകരിച്ചു. 1924ലാണ് റെയില്വേക്ക് പ്രത്യേകമായി ബജറ്റ് അവതരണം തുടങ്ങിയത്.
മോദി സര്ക്കാര് വന്നപ്പോള് തന്നെ ഇത്തരമൊരു നടപടിയെക്കുറിച്ച് ആലോചിച്ചിരുന്നു. സുരേഷ് പ്രഭു മന്ത്രിയായതോടെ നടപടിക്കു വേഗം കൂടി. നീതി ആയോഗ് അംഗങ്ങള് വിവേക് ഒബ്റോയിയും കിഷോര് ദേശായിയും ഇതിനനുകൂലമായി കേന്ദ്രത്തിന് റിപ്പോര്ട്ടും നല്കി.
ധനമന്ത്രാലയം രൂപീകരിച്ച അഞ്ചംഗ വിദഗ്ധ സമിതിയും അനുകൂലിച്ചതോടെ പൊതുബജറ്റിനൊപ്പം റെയില്വേക്കുള്ള വിഹിതവും പ്രഖ്യാപിക്കും, മറ്റു വകുപ്പുകളേ പോലെ. പദ്ധതികളും മറ്റും പിന്നീട് റെയില് മന്ത്രാലയം നിശ്ചയിക്കും. പൊതുബജറ്റിനൊപ്പം വരുന്നതോടെ സര്ക്കാര് വകുപ്പെന്ന പരിഗണന നല്കി കൂടുതല് സഹായവും ലഭിക്കും.
കഴിഞ്ഞയാഴ്ച രാജ്യസഭയില് മന്ത്രി സുരേഷ് പ്രഭു ഇക്കാര്യം വ്യക്തമായിരുന്നു. നിര്ദേശം ധനമന്ത്രാലയത്തിനു മുന്പിലെന്നാണ് മന്ത്രി പറഞ്ഞത്.
