പാനൂര്: ടൗണില് വ്യാപാരി നേതാക്കളും ഓട്ടോ തൊഴിലാളികളും പിരിവിന്റെ പേരില് സംഘര്ഷം. പാനൂര് ടൗണിലെ വ്യാപാരസ്ഥാപനങ്ങളില് നിന്നും ഓട്ടോതൊഴിലാളികള് അനധികൃതമായി പിരിവ് നടത്തിയെന്ന് കാണിച്ച് വ്യാപാരി വ്യവസായി ഏകോപനസമിതി പത്രകുറിപ്പ് ഇറക്കിയതാണ് തൊഴിലാളികളെ ചൊടിപ്പിച്ചത്. ഇതു ചോദ്യംചെയ്ത് ഇന്നലെ ഓട്ടോതൊഴിലാളികള് സംയുക്തമായി രംഗത്തുവന്നു. വ്യാപാരി നേതാക്കളെ കണ്ട് വിശദീകരണമാവശ്യപ്പെടുന്നതിനിടെ വാക്കുതര്ക്കവും കയ്യേറ്റവുമുണ്ടായി. ചിലരുടെ സമയോചിതമായ ഇടപ്പെടല് കാരണം രംഗം ശാന്തമാകുകയായിരുന്നു. ഭീഷണിപ്പെടുത്തി പിരിവു നടത്തുന്ന സമീപനത്തെയാണ് എതിര്ത്തതെന്നും പിരിവിന് ഏകോപനസമിതി എതിരെല്ലെന്നുമാണ് നേതാക്കളുടെ വിശദീകരണം. എന്നാല് അപകടം സംഭവിച്ച ഓട്ടോതൊഴിലാളികള്ക്ക് സഹായധനം സ്വരൂപിക്കാന് രാഷ്ട്രീയപാര്ട്ടി പ്രതിനിധികളും തൊഴിലാളി നേതാക്കളും ഒരുമിച്ചിരുന്ന് തീരുമാനിച്ചതിന്റെ അടിസ്ഥാനത്തിലാണ് പിരിവെടുത്തതെന്നുമാണ് തൊഴിലാളി നേതാക്കളുടെ വാദം. യോഗത്തില് ഏകോപനസമിതി നേതാക്കളെ വിളിച്ചെങ്കിലും പങ്കെടുത്തില്ല എന്നും ആക്ഷേപമുണ്ട്. കഴിഞ്ഞ ിവസം ലോറി നിയന്ത്രണം വിട്ട് ഓട്ടോസ്റ്റാന്ഡില് കയറി അഞ്ചു ഓട്ടോറിക്ഷകള് തകര്ന്നിരുന്നു. അപകടത്തില് ഒരു വഴിയാത്രക്കാരന് മരിക്കുകയും നിരവധിപേര്ക്ക് പരിക്കേല്ക്കുകയും ചെയ്തിരുന്നു
വ്യാപാരി നേതാക്കളും ഓട്ടോ തൊഴിലാളികളും പിരിവിന്റെ പേരില് സംഘര്ഷം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.