ശ്രീനഗര്: ജമ്മു കാശ്മീരില് തിങ്കളാഴ്ചയുണ്ടായ ഏറ്റുമുട്ടലില് ഒരു ഭീകരനും മൂന്ന് ബിഎസ്എഫ് ജവാന്മാര് കൊല്ലപ്പെട്ടു. രണ്ട് സൈനികര്ക്കും മൂന്ന് ബിഎസ്എഫുകാര്ക്കും പരുക്കേറ്റു. നിയന്ത്രണ രേഖയ്ക്കു സമീപം മാച്ചില് സെക്ടറില് ആണ് ഏറ്റുമുട്ടല് നടന്നത്.
ബി.എസ്.എഫ് സബ് ഇന്സ്പെക്ടര് മൊഹീന്ദര് യാദവ്, ഹെഡ് കോണ്സ്റ്റബിള് സി.പി സിംഗ്, കോണ്സ്റ്റബിള് ബാബുഷാന് എന്നിവരാണ് വീരമൃത്യൂ വരിച്ചത്. മേഖലയില് ഭീകരരുടെ സാന്നിധ്യമുണ്ടെന്ന വിവരത്തെ തുടര്ന്ന് അതിര്ത്തി രക്ഷാസേന നടത്തിയ പരിശോധനയ്ക്കിടെയാണ് ആക്രമണമുണ്ടായത്. ഏറ്റുമുട്ടല് ഇപ്പോഴും തുടരുകയാണ്.
അതേസമയം, വിഘടനവാദികള് ആഹ്വാനം ചെയ്ത ബന്ദിനെ തുടര്ന്ന് താഴ്വരയിലെ സാധാരണ ജീവിതം തുടര്ച്ചയതായ മുപ്പത്തിയൊന്നാം ദിവസവും തടസ്സപ്പെട്ടിരിക്കുകയാണ്. ഹിസ്ബുള് കമാന്ഡര് ബുര്ഹാന് വാനി ഏറ്റുമുട്ടലില് കൊല്ലപ്പെട്ടതോടെയാണ് താഴ്വരയില് അശാന്തി പടര്ന്നത്.
സംഘര്ഷത്തില് അമ്പതോളം പേരാണ് ഇതിനകം കൊല്ലപ്പെട്ടത്.
