വാഷിങ്ടൺ: ഐഎസ് ഭീകരർക്ക് സഹായം നൽകിയ വാഷിങ്ടൺ മെട്രോയിലെ പോലീസ് ഉദ്യോഗസ്ഥനെ എഫ്ബിഐ അറസ്റ്റ് ചെയ്തു. വെർജീനിയയിലെ ഫെയർഫാക്സ് സ്വദേശിയായ നിക്കോളാസ് യങിനെയാണ്(36) മെട്രോ പോലീസ് ഹെഡ്ക്വാര്ട്ടേഴ്സില് നിന്നും പോലീസ് പിടികൂടിയത്. ഐഎസ് ഭീകരര്ക്ക് വിവിധ തരത്തിലുള്ള ഭൗതീക സഹായങ്ങൾ നിക്കോളാസ് ചെയ്തു നൽകിയെന്നതാണ് കേസ്.
ഭീകരവാദത്തിനോട് ഏറെ അനുകൂലഭാവം പ്രകടിപ്പിച്ചിരുന്ന നിക്കോളാസ് 2003ലാണ് പോലീസ് ജോലിയിൽ പ്രവേശിച്ചത്. ഇയാൾ ഐഎസ് ഭീകര സംഘടനയുമായി ബന്ധം പുലർത്തുന്നുണ്ടെന്ന രഹസ്യ വിവരത്തിന്റെ അടിസ്ഥാനത്തിൽ 2010മുതൽ പോലീസിന്റെ നിരീക്ഷണത്തിലായിരുന്നു.
2011 ല് യംഗ് നിരവധി തവണ ഐഎസിന്റെ ഏജന്റുമായി കൂടിക്കാഴ്ച നടത്തിയിരുന്നു. 2012 ലെ യുഎസ് കോണ്ഗ്രസ് സ്ഫോടനവുമായി ബന്ധപ്പെട്ട് കുറ്റക്കാരനെന്നു കണ്ടെത്തിയ അമീന് അല് ഖാലിഫുമായും ഇക്കാലയളവില് ഇയാള് കൂടക്കാഴ്ച നടത്തിയിരുന്നു.
രണ്ടു തവണ ഇയാള് ലിബിയയിലേക്കുപോയിരുന്നതായും പോലീസ് കണ്ടെത്തിയിട്ടുണ്ട്. അറസ്റ്റ് ചെയ്ത നിക്കോളാസിനെ കോടതിയിൽ ഹാജരാക്കി.
