10 കോടി മരങ്ങള് നട്ടുപിടിപ്പിച്ച് ഗുജറാത്തിനെ ഹരിതാഭമാക്കുന്നു. വനം വകുപ്പിന്റെ ആഭിമുഖ്യത്തിലാണ് പരിപാടി. പദ്ധതിയ്ക്ക് കഴിഞ്ഞ ദിവസം തുടക്കമിട്ടു.
25 കോടിരൂപ ചെലവിട്ട് ഉത്തരാഖണ്ഡ് മൃതസഞ്ജീവനി തേടുന്നു. ആയൂര്വേദ ഡോക്ടര്മാര് അടുത്ത മാസംമുതല് ഇതിനുളള ഗവേഷണം തുടങ്ങും.
ഹിമാലയത്തിലെ ചൈനീസ് അതിര്ത്തിയോട് ചേര്ന്നുളള ദ്രോണഗിരിയിലാണ് പരിശോധനകള് നടത്തുക. സീതയെത്തേടി ലങ്കയിലെത്തിയ ശ്രീരാമ സഹോദരനായ ലക്ഷ്മണന് പരിക്കേറ്റപ്പോള് അനുജനെ രക്ഷിക്കുവാന് ശ്രീരാമന് മൃതസഞ്ജീവനി കൊണ്ടുവരുവാന് ഹനുമാനോട് നിര്ദ്ദേശിക്കുകയായിരുന്നു. മരുന്ന് അന്വേഷിച്ച് ഹിമാലയ മലനിരകളിലെത്തിയ ഹനുമാന് മൃതസഞ്ജീവനി സസ്യം തിരിച്ചറിയാത്തതിനെത്തുടര്ന്ന് മലയോടെ പിഴുത് ലങ്കയിലേക്ക് പോയെന്നുമാണ് പറയപ്പെടുന്നത്.
25 ഏക്കര് ഭൂമി ഹരിപ്പാട് മെഡിക്കല് കോളേജിനുവേണ്ടി വാങ്ങിയതില് വന് ക്രമക്കേട്. വിപണി വിലയേക്കാള് കൂടുതല് നല്കിയാണ് പലരില്നിന്നും ഭൂമി ഏറ്റെടുത്തത്. ഇതില് ഭൂരിഭാഗവും തണ്ണീര്ത്തടങ്ങളും വെറും നിലങ്ങളുമാണ്.
27570 കോടിരൂപ മുടക്കി കുളച്ചില് തുറമുഖം വികസിപ്പിക്കുമെന്ന് കേന്ദ്രസര്ക്കാര്. ലോക്സഭയിലെ ചോദ്യത്തിന് കേന്ദ്രതുറമുഖ സഹമന്ത്രി പി.രാധാകൃഷ്ണന് രേഖാമൂലം മറുപടി നല്കുകയായിരുന്നു.
421658 തസ്തികകള് വിവിധ വകുപ്പുകളില് ഒഴിഞ്ഞ് കിടപ്പുണ്ടെന്ന് കേന്ദ്രസര്ക്കാര്. രാജ്യസഭയില് എം.പി.വീരേന്ദ്രകുമാറിന്റെ ചോദ്യത്തിന് രേഖാമൂലം കേന്ദ്ര പേഴ്സണല് കാര്യസഹമന്ത്രി ഡോ.ജിതേന്ദ്രസിംഗാണ് ഇക്കാര്യം അറിയിച്ചത്. കൃഷി-സഹകരണ വകുപ്പില്
1262 തസ്തികകളും ആണവോര്ജ്ജ വകുപ്പില് 187054 തസ്തികകളും ആഭ്യന്തരവകുപ്പില് 69638 തസ്തികകളിലും ഒഴിവുണ്ട്. റവന്യൂവകുപ്പില് 82585 തസ്തികകളുമുണ്ട്. വിവിധ വകുപ്പുകളിലായി 3645584 തസ്തികകള് അനുവദിക്കപ്പെട്ടിട്ടുണ്ട്.
