24 ആഴ്ച പ്രായമായ ഭ്രൂണമാണ് ബലാത്സംഗത്തിനിരയായ യുവതിക്ക് അലസിപ്പിക്കാമെന്ന് കഴിഞ്ഞ ദിവസം സുപ്രീംകോടതി വിധിച്ചത്. യുവതിയുടെ ജീവിതം അപകടത്തിലാണ് എന്നുകണ്ടാണ്, ഈ വിധി. വികസിത രാജ്യങ്ങളില് 80 ശതമാനവും സാമ്പത്തിക, സാമൂഹിക കാരണങ്ങള്കൊണ്ട് ഗര്ഭം അലസിപ്പിക്കാന് അനുവാദം നല്കുന്നു; ഇതില് 69 ശതമാനം ഗര്ഭിണി ആവശ്യപ്പെട്ടാല് അനുവദിക്കും. വികസ്വര രാജ്യങ്ങളില് 19 ശതമാനം സാമൂഹിക സാമ്പത്തിക കാരണങ്ങള്കൊണ്ട് അനുവദിക്കും. 16 ശതമാനം ഗര്ഭിണി അപേക്ഷിച്ചാല് അനുമതി നല്കും.
800 കൊല്ലമായി, 10 വയസ്സു മുതല് 50 വയസ്സുവരെയുള്ള സ്ത്രീകള്ക്ക് ശബരിമലയില് പ്രവേശനമില്ല. മൂന്ന് കമ്മറ്റികളുടെ ദേവപ്രശ്ന രേഖ ദേവസ്വം ബോര്ഡ് കോടതിക്കു നല്കിയിട്ടുണ്ട്. 2014 ജൂണ് 18 നായിരുന്നു, അവസാന ദേവപ്രശ്നം.
365 കിലോമീറ്ററാണ്, കൊല്ലം മുതല് കോഴിക്കോടു വരെ പടിഞ്ഞാറന് തീരം വഴിയുള്ള നിര്ദ്ദിഷ്ട ദേശീയ ജലപാത 3. 28 കിലോമീറ്റര് നീളമുള്ള ആലപ്പുഴ-ചങ്ങനാശ്ശേരി ജലപാതയാണ്, ദേശീയ ജലപാത 8. 38 കിലോമീറ്റര് നീളമുള്ള ആലപ്പുഴ-കോട്ടയം-അതിരമ്പുഴ പാതയാണ്, ദേശീയ ജലപാത 9. ദേശീയ ജലപാത 39 ആയ കോട്ടയം-വൈക്കം പാതയ്ക്ക് നീളം 38 കിലോമീറ്റര്.
106 മാവോയിസ്റ്റ് ചുവന്ന ഇടനാഴികളാണ് ഭാരതത്തില് ഇപ്പോഴുള്ളത്. ഇതില്നിന്ന് 20 എണ്ണം കേന്ദ്രം ഒഴിവാക്കാന് പോകുന്നു. 2006 മുതല് തുടങ്ങിയ നീക്കമാണ് ഈ തീരുമാനത്തിലെത്തിയിരിക്കുന്നത്. ഈ 106 എണ്ണവും ജില്ലകളാണ്. 44 എണ്ണമാണ് ഭീകരം. ബീഹാര്, ജാര്ഖണ്ഡ്, ആന്ധ്ര, മഹാരാഷ്ട്ര, ഒഡീഷ, തെലങ്കാന, പശ്ചിമബംഗാള്, മധ്യപ്രദേശ്, ഉത്തര്പ്രദേശ്, ഛത്തീസ്ഗഢ് എന്നിവയാണ് ഇവയുള്ള സംസ്ഥാനങ്ങള്. 44 ഭീകര ജില്ലകളിലായി 5412 കിലോമീറ്റര് റോഡും 126 പാലങ്ങളും 11,725 കോടി മുടക്കി പണിയും.
