പൈലറ്റുമാരായ ബെര്ട്രാന്ഡ് പിക്കാര്ഡും ആന്ദ്രേബോര്സ് ബര്ഗും
അബുദാബി: ഈജിപ്തിന്റെ തലസ്ഥാനമായ കെയ്റോയില് നിന്ന് അബുദബിയിലേക്കുള്ള, യാത്രയുടെ അവസാന പാദം കടുത്ത വെല്ലുവിളിയായിരുന്നു. ചൂടേറിയ അതിശക്തമായ കാറ്റില് വിമാനം നിയന്ത്രിക്കുക വളരെ ബുദ്ധിമുട്ടായിരുന്നു. മൂന്നു രാത്രികളാണ് ഉറങ്ങാതിരുന്നത്. ആകെ കണ്ണടച്ചത് വെറും 45 മിനിറ്റ്. സോളാര് വിമാനമായ സോളാര് ഇംപള്സിന്റെ പൈലറ്റുമാരില് ഒരാളായ ബെര്ട്രാന്ഡ് പിക്കാര്ഡ് പറഞ്ഞു. പിക്കാര്ഡും ആന്ദ്രേ ബോര്സ് ബര്ഗുമാണ് വിമാനം പറത്തിയവര്.
യോഗയാണ് തങ്ങള്ക്ക് ഊര്ജ്ജം പകര്ന്നതെന്നും അവര് പറഞ്ഞു. എന്റെ ഗുരു സഞ്ജീവ് ഭാനോട്ടാണ് യോഗ പഠിപ്പിച്ചത്. ബോര്സ്ബെര്ഗ് പറഞ്ഞു. ഒരു ചലച്ചിത്രത്തിലെന്ന പോലെ മനോഹരമായിരുന്നു യാത്ര. അഭൗമം, വിമാനത്തിന്റെ പ്രൊപ്പല്ലറുകള് കറങ്ങുന്നുണ്ടായിരുന്നെങ്കിലും സോളാര് വിമാനമായതിനാല് ശബ്ദമില്ല.
ഇന്ധനം വേണ്ട, അദ്ദേഹം തുടര്ന്നു. അറ്റ്ലാന്റിക് സമുദ്രത്തിനു മുകളിലൂടെയുള്ള യാത്ര അതിക്ലേശകരമായിരുന്നു. മേഘങ്ങളും എല്ലാം.. ഒരിക്കല് യൂറോപ്പില് നിന്ന് അമേരിക്കയിലേക്കുള്ള യാത്ര പുതിയ ലോകത്തിന്റെ കണ്ടെത്തലിലാണ് അവസാനിച്ചത്. ഇന്ന് മറ്റൊരു ലോകം കണ്ടെത്തി.
ജൈവഇന്ധനത്തില് നിന്ന് പരിശുദ്ധമായ സൗരോര്ജ്ജത്തിന്റെ ലോകം. പത്തു വര്ഷത്തിനുള്ളില് ഇത്തരം ചെറു സോളാര് വിമാനങ്ങള് ഉണ്ടാകും. അവര് പറഞ്ഞു.
