മംഗള സൂചകവും ഐശ്വര്യസൂചകവുമായി അരിപ്പൊടിയാൽ തറയിൽ വരയ്ക്കുന്ന രൂപങ്ങളാണ് കോലങ്ങൾ. ഉറുമ്പ് പോലുള്ള ജീവികൾക്കായിട്ടുള്ള ഭക്ഷണമായും ഇതിനെ കണക്കാക്കുന്നു. സ്ത്രീകൾക്കു മാത്രം പ്രാമുഖ്യമുള്ള ഈ അനുഷ്ഠാനം പിറന്നാൾ, ഉപനയനം, വിവാഹം, അന്നപ്രാശനം തുടങ്ങിയ മംഗളകർമ്മങ്ങൾക്കുവേണ്ടിയാണ് പ്രധാനമായും നടത്തുന്നത്. സുദർശനചക്രം, സ്വസ്ഥികം തുടങ്ങിയ ചിഹ്നങ്ങൾ ഉള്ള കോലങ്ങൾ സാധാരണമാണ്.
വീടുകൾക്കുമുന്നിൽ പുലർകാലത്ത് ചാണകവെള്ളം തളിച്ച് ശുദ്ധീകരിച്ചാണ് കോലം വരയ്ക്കുക. അതിന് അരിപ്പൊടിയാണ് ഉപയോഗിക്കുന്നത്. ചിലയിടത്ത് വെള്ളരങ്കൽ പൊടിയും കൽചുണ്ണാമ്പ് പൊടിയും പതിവുണ്ട്. വീടിനുള്ളിൽ മിനുസമുള്ള സ്ഥലത്ത് അരിയരച്ച് നേർത്ത മാവാക്കി അതിൽ തുണിക്കഷ്ണം മുക്കി കൈയിൽ വച്ചെ മെല്ലെ ഞെക്കി വിരലിലൂടെ വരയ്ക്കുകയാണ് പതിവ്.
പലതരത്തിലാണ് കോലം വരയ്ക്കുന്നത്. ‘പോട്ട്, പുള്ളി വെച്ച് വരകൾ വരയ്ക്കുന്നവ, നേർവരയോടെ ജ്യാമിതീയ രൂപങ്ങൾ വരയ്ക്കുന്നവ, വേദികളാൽ വിപുലമായി വരയ്ക്കുന്നവ, പാളിവച്ചു നേർവര ചേർത്ത് രൂപങ്ങൾ ഉണ്ടാക്കുന്നവ എന്നിങ്ങനെ പലതരത്തിലുണ്ട് കോലരചന.മിടുന്നത്.
