ന്യൂദല്ഹി: മുന് എംപിയും കയര് ബോര്ഡ് ചെയര്മാനുമായ സി. പി. രാധാകൃഷ്ണന് പ്രധാനമന്ത്രി നരേന്ദ്രമോദിയുമായി കൂടിക്കാഴ്ച നടത്തി. കയര് ബോര്ഡിന്റെ പ്രവര്ത്തനം സംബന്ധിച്ച് സന്ദര്ശനവേളയില് ഇരുവരും ചര്ച്ച നടത്തി.
സാങ്കേതികവിദ്യയുടെ പ്രയോജനങ്ങള് രാജ്യത്തെ കയര് വ്യവസായത്തിന്റെ വളര്ച്ചയ്ക്കായി പ്രയോജനപ്പെടുത്താവുന്നതാണെന്ന് പ്രധാനമന്ത്രി കൂടിക്കാഴ്ചയ്ക്കിടെ അറിയിച്ചു. 3600 മുടി കയറുകൊണ്ട് നിര്മ്മിച്ച പ്രധാനമന്ത്രിയുടെ ഛായ ചിത്രവും കൂടിക്കാഴ്ചയ്ക്കിടെ ചെയര്മാന് നരേന്ദ്രമോദിക്കു സമ്മാനിച്ചു. ചേര്ത്തലയിലെ പ്രമുഖ കയര് കയറ്റുമതി സ്ഥാപനവും ട്രാവന്കൂര് കോകോടഫ്റ്റാണ് ഇത് നിര്മ്മിച്ചത്.
കേരളം, തമിഴ്നാട് എന്നീ സംസ്ഥാനളിലെ കയര് ബോര്ഡിന്റെ പ്രവര്ത്തനങ്ങള് പ്രശംസനീയമാണ്. ബോര്ഡിന്റെ വളര്ച്ചയ്ക്ക് കേന്ദ്ര സര്ക്കാരിന്റെ ഭാഗത്തുനിന്നും നിന്നും എല്ലാ സഹായ സഹകരണങ്ങളും ഉണ്ടാകുമെന്നും പ്രധാനമന്ത്രി കൂട്ടിച്ചേര്ത്തു.
