ന്യൂദല്ഹി: റിലീസിങ്ങിനു രണ്ടു ദിവസം മാത്രം അവശേഷിക്കെ രജനീകാന്ത് ചിത്രം കബാലി ഓണ്ലൈനില്. രജനീകാന്തിന്റെ ആരാധകര് വന് പ്രതീക്ഷയോടെ കാത്തിരിക്കുന്ന ബ്രഹ്മാണ്ഡ ചിത്രമാണിത്. ഓണ്ലൈനില് ചിത്രം പുറത്തായത് സിനിമയുടെ വരുമാനത്തേയും പ്രതികൂലമായി ബാധിക്കും.
ബാഹുബലിക്കുണ്ടായിരുന്ന കളക്ഷന് റെക്കോര്ഡ് കബാലി തിരുത്തിക്കുറിക്കുമെന്നാണ് ചലച്ചിത്ര മേഖല വിലയിരുത്തിയിരുന്നത്.
കബാലിയുടെ സെന്സര് കോപ്പി ടോറന്റ് വെബ് സൈറ്റുകള് വഴി പുറത്തായെന്നാണ് ദേശീയ മാധ്യമങ്ങളുടെ റിപ്പോര്ട്ടുകളില് പുറത്തുവന്നിരി ക്കുന്നത്. കബാലിയുടെ ഇന്റര്നെറ്റ് ഡൗണ്ലോഡിങ് തടയണമെന്നാവശ്യപ്പെട്ട് ചിത്രത്തിന്റെ നിര്മാതാവായ കലൈപുലി എസ്. താണു നേരത്തെ കോടതിയെ സമീപിച്ചിരുന്നു.
അടുത്തിടെ പുറത്തിറങ്ങിയ സല്മാന്ഖാന്റെ സുല്ത്താന് റിലീസിനു മുമ്പുതന്നെ ഓണ്ലൈനില് ലീക്കായിരുന്നു. ബോളീവുഡ് കോമഡി സിനിമയായ ഗ്രേറ്റ് ഗ്രാന്ഡ് മസ്തി റിലീസാവുന്നതിന് മുമ്പ് ഓണ്ലൈനില് പുറത്തായതിനെ തുടര്ന്ന് റിലീ സിങ് നേരത്തെയാക്കി. കൂടാതെ ഷഹീദ് കപൂറിന്റേയും അലിയ ഭട്ടിന്റേയും ഉഡ്ത പഞ്ചാബും ഓണ്ലൈനിലാണ് ആദ്യം റിലീസായത്.
