പേരാമ്പ്ര: കൊയിലാണ്ടി ശ്രീരാമകൃഷ്ണ ആശ്രമത്തിന്റെ സഹായത്തോടെ കല്ലോട് ഭാരതീയം സേവാ സമിതി നിര്‍ധനരായ 150 ഓളം പേര്‍ക്ക് റെഡിമെഡ് ഷര്‍ട്ടും പാന്റും നല്‍കി. സേവാ പ്രവര്‍ത്തനത്തിന്റെ ഉദ്ഘാടനം ആശ്രമം മഠാധിപതി സ്വാമി ആപ്ത ലോകാനന്ദ ഉദ്ഘാടനം ചെയ്തു. രാമായണത്തിന്റെ പ്രസക്തി ഈ കാലഘട്ടത്തില്‍ കൂടുതലാണെന്ന് സ്വാമിജി അഭിപ്രായപ്പെട്ടു. മര്യാദ പുരുഷോത്തമനായ ശ്രീരാമന്‍ ആദര്‍ശശാലിയായ ഭരണാധികാരി ആയിരുന്നു. ഒരു ഭരണാധികാരി എന്തൊക്കെയാവണമെന്നതിന് മര്യാദ പുരുഷോത്തമന്റെ ജീവിതം തന്നെയാണ് മാതൃക ഇന്ന് സോഷ്യല്‍ മീഡിയകള്‍ ലവ് ജിഹാദ്, രാജ്യദ്രോഹപ്രവര്‍ത്തനങ്ങള്‍ എന്നിവയ്‌ക്ക് ആക്കംകൂട്ടുന്നു. ഋഷി പരമ്പര കാട്ടി തന്ന പാന്ഥാവ് പിന്‍തുടരാത്തതാണ് ഇന്ന് നാം അനുഭവിക്കുന്ന എല്ലാ ദുരന്തങ്ങള്‍ക്കും കാരണം. പ്രതീക്ഷയുടെ നാളങ്ങള്‍ അണഞ്ഞിട്ടില്ലെന്ന നല്ല സന്ദേശം നരേന്ദ്രമോഡി ജി പ്രവര്‍ത്തനങ്ങളിലൂടെ നമ്മള്‍ക്ക് കാട്ടിതരുന്നു അധികാരമേറ്റ ഉടനെ നമ്മുടെ രാജ്യത്തെക്കാള്‍ എത്രയോ ദുര്‍ബലമായ നേപ്പാള്‍ സന്ദര്‍ശിച്ച് ആ രാജ്യത്തിന്റെ അനുഗ്രഹം തേടിയത് അദ്ദേഹത്തിന്റെ എളിമ യുടെ ഉത്തമോദാഹരണമാണ് സ്വാമിജി കൂട്ടി ചേര്‍ത്തു. പേരാമ്പ്ര ഗ്രാമപഞ്ചായത്ത് മൂന്നാം വാര്‍ഡ് മെമ്പര്‍ ബിജു കൃഷ്ണന്‍ അദ്ധ്യക്ഷത വഹിച്ചു. സേവാ സമിതി സെക്രട്ടറി വിനു കെ.എന്‍ സ്വാഗതം പറഞ്ഞു പി. അജിത്ത്, രജീഷ് കെ.സി.എം, രജിലേഷ് .എന്‍ തുടങ്ങിയവര്‍ സംസാരിച്ചു.
ശ്രീരാമകൃഷ്ണ മിഷന്റെ ആഭിമുഖ്യത്തില്‍ വസ്ത്രവിതരണം നടത്തി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.