കണ്ണൂര്: ജില്ലയിലെ ബ്ലോക്ക്/മുനിസിപ്പല്/കോര്പ്പറേഷനുകളിലെ പട്ടികജാതി വികസന ഓഫീസുകളില് പട്ടികജാതി പ്രൊമോട്ടര്മാരെ നിയമിക്കുന്നതിന് അപേക്ഷ ക്ഷണിച്ചു. ഗ്രാമപഞ്ചായത്തുകളില് ഓരോന്നും, മുനിസിപ്പാലിറ്റികളില് മൂന്നും, കോര്പ്പറേഷനുകളില് അഞ്ച് വീതവുമാണ് പ്രൊമോട്ടര്മാരെ നിയമിക്കുന്നത്. അപേക്ഷകര് 18 നും 40 നും ഇടയില് പ്രായമുളളവരും പ്രീഡിഗ്രി/പ്ലസ്ടു പാസായവരുമായ പട്ടികജാതി വിഭാഗക്കാരായിരിക്കണം. കൂടുതല് വിദ്യാഭ്യാസയോഗ്യതയുളളവര്ക്ക് മുന്ഗണന നല്കും. ജില്ലയിലെ പ്രൊമോട്ടര്മാരില് നിന്നും 10 ശതമാനം പേരെ പട്ടികജാതിമേഖലയില് പ്രവര്ത്തിക്കുന്ന സാമൂഹ്യപ്രവര്ത്തകരില് നിന്നും നിയമിക്കാം. ഇവരുടെ വിദ്യാഭ്യാസ യോഗ്യത എസ്എസ്എല്സിയും ഉയര്ന്ന പ്രായപരിധി 50 വയസും ആയിരിക്കും.
ഈ രംഗത്ത് പ്രവര്ത്തിക്കാന് താല്പര്യമുളളവര് നിശ്ചിതമാതൃകയിലുളള അപേക്ഷ ജാതി, വയസ്, വിദ്യാഭ്യാസ യോഗ്യത, സ്ഥിരമായിതാമസിക്കുന്ന പഞ്ചായത്ത്/മുനിസിപ്പാലിറ്റി/കോര്പ്പറേഷന് എന്നിവ തെളിയിക്കുന്ന സാക്ഷ്യപ്പെടുത്തിയ സര്ട്ടിഫിക്കറ്റുകള് സഹിതം 30 ന് വൈകിട്ട് 5 മണിക്ക് മുമ്പ് ജില്ലാ പട്ടികജാതി വികസന ഓഫീസര്ക്ക് സമര്പ്പിക്കണം. റസിഡന്റ് ട്യൂട്ടര്മാരുടെ ചുമതല വഹിക്കുന്ന പ്രൊമോട്ടര്ക്ക് കുറഞ്ഞ യോഗ്യത ബിരുദം ആയിരിക്കും. ബി എഡ് യോഗ്യതയുളളവര്ക്ക് മുന്ഗണന നല്കും. അപേക്ഷകരെ അവര് സ്ഥിരതാമസമാക്കിയിട്ടുളള പഞ്ചായത്ത്/മുനിസിപ്പാലിറ്റി/കോര്പ്പറേഷനുകളിലെ ഒഴിവിലേക്ക് മാത്രമേ പരിഗണിക്കുകയുളളൂ. യോഗ്യരായ അപേക്ഷകര് ഇല്ലെങ്കില് സമീപ സ്ഥാപനത്തിലെ മുനഗണനാ ലിസ്റ്റില് ഉള്പ്പെടുന്നവരെ പരിഗണിക്കും. അപേക്ഷയുടെ മാതൃകയും മറ്റ് വിശദ വിവരങ്ങളും ജില്ലാ പട്ടികജാതി വികസന ഓഫീസ്, പട്ടികജാതി വികസന ഓഫീസ് എന്നിവിടങ്ങളില് ലഭിക്കും.
