അഖില ഭാരതീയ പൂര്വസൈനിക സേവാപരിഷത്ത് ജില്ലാ സമ്മേളനം സംസ്ഥാന ജനറല് സെക്രട്ടറി റിട്ട. കമാന്ഡര് കെ.സി. മോഹനന് പിള്ള ഉദ്ഘാടനം ചെയ്യുന്നു
ചെങ്ങന്നൂര്: പതിനഞ്ച് വര്ഷത്തെ സേവനം പൂര്ത്തിയാകാതെ വിരമിച്ച സൈനികര്ക്കും പെന്ഷനും ഇസിഎച്ച്എസ് ആനുകൂല്യങ്ങളും അനുവദിക്കണമെന്ന് അഖില ഭാരതീയ പൂര്വസൈനിക സേവാപരിഷത്ത് ജില്ലാ സമ്മേളനം ആവശ്യപ്പെട്ടു. സംസ്ഥാന ജനറല് സെക്രട്ടറി കമാന്ഡര് റിട്ട. കെ.സി. മോഹനന് പിള്ള ഉദ്ഘാടനം ചെയ്തു. ജില്ലാ പ്രസിഡന്റ് കെ.കെ. രാമചന്ദ്രന് അദ്ധ്യക്ഷത വഹിച്ചു.
ജില്ലാ ജനറല് സെക്രട്ടറി വി.എന്. ആനന്ദന് വാര്ഷിക റിപ്പോര്ട്ട് അവതരിപ്പിച്ചു. മുതിര്ന്ന പൂര്വസൈനികരെയും വിധവകളെയും ചടങ്ങില് ആദരിച്ചു. സംസ്ഥാന ഓര്ഗനൈസിങ്ങ് സെക്രട്ടറി കെ. സേതുമാധവന് മുഖ്യപ്രഭാഷണം നടത്തി. വനിതാ വിഭാഗമായ സൈന്യ മാതൃശക്തിയുടെ ജില്ലാ കമ്മിറ്റിയും രൂപവത്കരണവും നടത്തി.
ലഫ്. കേണല് മാവേലിക്കര ഗോപകുമാര്, ലഫ്. കേണല് രഘുനാഥന് നായര്, സി.എസ്. ഉണ്ണിത്താന്, എല്. മുരളീധരന് നായര്, ലഫ്. കേണല് പി.എസ്. ലളിത, ശ്രീകല തുടങ്ങിയവര് പ്രസംഗിച്ചു. പരിഷത്ത് ജില്ലാ പ്രസിഡന്റായി കെ.കെ. രാമചന്ദ്രനെയും ജനറല് സെക്രട്ടറിയായി വി.എന്. ആനന്ദനെയും വീണ്ടും തെരഞ്ഞെടുത്തു.
മറ്റ് ഭാരവാഹികളായി സുകുമാരന് നായര് (വൈസ് പ്രസിഡന്റ്), കെ.സി.ആര്. നായര്, എല്. മുരളീധരന് നായര്, ദിലീപ്, സോമശേഖരന് നായര് (ജോ.സെക്രട്ടറി), പി.ആര്. സുഭാഷ് (ട്രഷറര്) എന്നിവരെയും മാതൃശക്തി ജില്ലാ ഭാരവാഹികളായി ഉഷാ കുമാര് (പ്രസിഡന്റ്), രത്ന ആര്. ചന്ദ്രന് (വൈസ് പ്രസിഡന്റ്്) വത്സല മോഹന് (ജനറല് സെക്രട്ടറി), ബി. ഇന്ദിരാമ്മ (ജോ.സെക്രട്ടറി) ഓമന സുകുമാരന് (ട്രഷറര്) എന്നിവരെയും തെരഞ്ഞെടുത്തു.
