അമ്പലപ്പുഴ: സര്ക്കാര് ഉത്തരവ് കാറ്റില്പ്പറത്തി നോട്ടറിമാര് അമിത ഫീസ് ഈടാക്കി ജനങ്ങളെ പിഴിയുന്നു. നോട്ടറീസ് ചട്ടങ്ങള് 1956 ചട്ടം 10 അനുസരിച്ച് പ്രമാണങ്ങള് സാക്ഷ്യപ്പെടുത്തുന്നതിന് നോട്ടറിമാര്ക്ക് ഈടാക്കാവുന്ന ഫീസ് എത്രയാണെന്നുള്ള ഉത്തരവിറക്കിയിട്ടുണ്ട്. ഇത് നോട്ടറിമാര് പൊതുജനങ്ങള്ക്ക് വ്യക്തമായി കാണത്തക്കവിധത്തില് നിര്ബ്ബന്ധമായും ഓഫീസിനുള്ളിലും പുറത്തും പ്രദര്ശിപ്പിക്കണമെന്നുമാണ് ചട്ടം. എന്നാല് ഇതെല്ലാം കാറ്റില്പ്പറത്തി പ്രമാണങ്ങള് സാക്ഷ്യപ്പെടുത്താന് വലിയതുകയാണ് നോട്ടറിമാര് ഈടാക്കുന്നത്.
പതിനായിരം രൂപ വരെയുള്ള പ്രമാണത്തിന് 35ഉം ഇതിനു മുകളില് 25000 രൂപ വരെ 75ഉം 50000 രൂപ വരെ 150രൂപയുമാണ് സര്ക്കാര് നിശ്ചയിച്ചിരിക്കുന്ന ഫീസ്. എന്നാല് ഇതിനു പകരം 300 രൂപവരെയാണ് കക്ഷികളില് നിന്ന് നോട്ടറിമാര് ചോദിച്ചുവാങ്ങുന്നത്. ഫീസ് നിരക്ക് കര്ശനമായി പ്രദര്ശിപ്പിക്കണമെന്ന നിയമവകുപ്പിന്റെ ഉത്തരവ് നോട്ടറിമാര് കാറ്റില്പ്പറത്തിയിരിക്കുകയാണ്.
അതുകൊണ്ടുതന്നെ സര്ക്കാര് നിശ്ചയിച്ച ഫീസ് അറിയാത്ത പൊതുജനങ്ങള് നോട്ടറിമാര് പറയുന്ന തുക നല്കി വഞ്ചിതരാകുകയാണ്. ഇതിനു പരിഹാരം കാണാന് സര്ക്കാര് ഉത്തരവ് കര്ശ നമായി നടപ്പാക്കാന് നടപടി സ്വീകരിക്കണമെന്ന് ആവശ്യപ്പെട്ട് സാമൂഹ്യപ്രവര്ത്തകന് കാക്കാഴം താഴ്ചയില് നസീര് നിയമവകുപ്പ് സെക്രട്ടറിക്ക് പരാതി നല്കി.
