രാമായണ മാസാചരണത്തിന് ഇന്ന് തുടക്കം

കോഴിക്കോട്: രാമായണ മാസാചരണത്തിന് ഇന്ന്തുടക്കം. ഇനി രാമായണ പാരായണത്തിന്റെ നാളുകള്‍. ക്ഷേത്രാങ്കണങ്ങളും ഗൃഹാങ്കണങ്ങളും രാമഗാഥയുടെ ഈണത്തില്‍ ലയിക്കും. രാമായണ മഹോത്സവം ഇത്തവണ സമുചിതമായി ആഘോഷിക്കാനാണ് രാമായണ സ്വാദ്ധ്യായ സമിതി തീരുമാനിച്ചിരിക്കുന്നത്.

ശ്രീകണ്‌ഠേശ്വര ക്ഷേത്രത്തില്‍ ഇന്ന് മുതല്‍ ആഗസ്റ്റ് 16 വരെ രാമായണ മാസാചരണം നടക്കും. കെ.കെ. ചിത്തരഞ്ജിതന്‍ രാമായണ പാരായണം നടത്തും. ശ്രീപാര്‍ത്ഥസാരഥി മണ്ഡപത്തില്‍ വൈകു. 5.30 മുതല്‍ 6.45 വരെയാണ് പാരായണം നടക്കുക.

കോട്ടപ്പറമ്പ് പുതിയകോവിലകം പറമ്പ് ശ്രീമാരിയമ്മന്‍ ക്ഷേത്രത്തില്‍ കര്‍ക്കടകമാസ ഗണപതി ഹോമവും വിശേഷാല്‍ ഭഗവതി സേവയും ഉണ്ടായിരിക്കും.

ഇന്ന് മുതല്‍ ആഗസ്റ്റ് 16 വരെ രാമായണ പാരായണം, ദേവീ സ്‌തോത്ര പാരായണം, ശ്രീരുദ്രപാഠം പാരായണം എന്നിവയും ഉണ്ടായിരിക്കും. വൈകു. 5.15ന് നടക്കുന്ന രാമായണ പാരായണത്തിന് ആര്‍. അനന്തലക്ഷ്മി അമ്മാള്‍ നേതൃത്വം നല്‍കും.

മേപ്പയ്യൂര്‍: വിളയാട്ടൂര്‍ എടക്കൈപ്പുറം ഇല്ലം കുട്ടിച്ചാത്തന്‍കണ്ടി ശ്രികുട്ടിച്ചാത്തന്‍ ക്ഷേത്രത്തില്‍ രാമായണ പാരായണം നടക്കും. കര്‍ക്കടകമാസ പൂജ, പന്തം സമര്‍പ്പണം, ഗണപതി ഹമം എന്നിവയും ഊണ്ടായിരിക്കും. വൈകിട്ട് 5 ന് നടക്കുന്ന രാമായണ പാരായണത്തിന് വിജയന്‍ വിളയാട്ടൂര്‍ നേതൃത്വം നല്‍കും.

വടകര: നടക്കുതാഴ അരിക്കോത്ത് മഹാവിഷ്ണു ക്ഷേത്രത്തില്‍ രാമായണമാസാചരണം.

ഇന്ന് മുതല്‍ ആഗസ്റ്റ് 16 വരെ. സി.പി. രാമന്‍ പണിക്കരുടെ നേതൃത്വത്തില്‍ വായനയും നടക്കും.

പേരാമ്പ്ര: മുതുകാട് അഗസ്ത്യമല ഉമാമഹേശ്വര ക്ഷേത്രത്തില്‍ എല്ലാ ദിവസവും ഗണപതിഹോമവും ഭഗവതിസേവയും നടക്കും. ആഗസ്റ്റ് 2ന് സുദര്‍ശന ഹോമവും തിലഹോമവും സുകൃത ഹോമവും സായൂജ്യ ഹോമവും ആഗസ്ത് 7ന് ധന്വന്തരി പൂജയും ഔഷധസേവയും 14ന് മൃത്യുഞ്ജയഹോമവും ഗോപൂജയും സര്‍പ്പബലിയും ഉണ്ടായിരിക്കും.

തിരുവള്ളൂര്‍: മഹാശിവക്ഷേത്രത്തില്‍ രാമായണത്തെ വിഷയമാക്കി പ്രഭാഷണം, കുട്ടികള്‍ക്കായുള്ള ക്വിസ് മത്സരം, എസ്എസ്എല്‍സി, പ്ലസ്ടു വിദ്യാര്‍ത്ഥികള്‍ക്ക് അറിവിന്റെ അംഗീകാരം എന്നിവയുണ്ടാകും. എല്ലാ ദിവസവും വൈകിട്ട് 5.30ന് രാമായണ പാരായണവുമുണ്ടാകും.

കോഴിക്കോട്: കാരന്തൂര്‍ ശ്രീഹരഹരമഹാദേവ ക്ഷേത്രത്തില്‍ ഇന്നു മുതല്‍ ആഗസ്റ്റ് 16 വരെ രാമായണ മാസാചരണം നടത്തും. എല്ലാ ദിവസവും ഗണപതി ഹോമത്തോടുകൂടി വിശേഷാള്‍ പൂജകളും ഉണ്ടായിരിക്കും. വൈകിട്ട് 5ന് നടക്കുന്ന രാമായണ പാരായണത്തിന് വി. സദാനന്ദന്‍ നേതൃത്വം നല്‍കും. കര്‍ക്കിടകം 16ന് തിരുവാതിര നാളില്‍ ഭക്തജനങ്ങളുടെ രാമായണ പാരായണ സദസ്സ് നടക്കും. രാവിലെ 10ന് പ്രശ്‌നോത്തരി ഉണ്ടായിരിക്കും. കര്‍ക്കിടകം 32 ന് (ആഗസ്റ്റ് 16) അഷ്ടദ്രവ്യമഹാഗണപതി ഹോമം നടക്കും.

കൊയിലാണ്ടി: കൊയിലാണ്ടി മാതാ അമൃതാനന്ദമയി മഠത്തില്‍ ഗുരുപൂര്‍ണ്ണിമാ ആഘോഷവും രാമായണമാസ ആചരണവും ധന്വന്തരീ ഹോമവും നടക്കും. ഇന്ന് കാലത്ത് 6 ന് നടക്കുന്ന മഹാഗണപതി ഹോമം, ധന്വന്തരി ഹോമം എന്നിവയ്‌ക്ക് ബ്രഹ്മജയശങ്കര്‍ നേതൃത്വം നല്‍കും.