കോഴിക്കോട്: കോഴിക്കോട് സാംസ്കാരിക വേദിയുടെ ആഭിമുഖ്യത്തില് തിക്കോടിയന് ജന്മശതാബ്ദി ആഘോഷം ജൂലൈ 14ന് വൈകിട്ട് 5 ന് കോഴിക്കോട് ടൗണ്ഹാളില് നടക്കും. ഒരു വര്ഷം നീണ്ടുനില്ക്കുന്നതാണ് ആഘോഷം. ഉദ്ഘാടന സമ്മേളനം, പുസ്തക പ്രകാശനം, നാടക പ്രവര്ത്തകരെ ആദരിക്കല്, ”പുഷ്പവൃഷ്ടി” നാടകാവതരണം എന്നിവ ഉണ്ടായിരിക്കും. ശതാബ്ദിയാഘോഷം എം.ടി. വാസുദേവന് നായര് ഉദ്ഘാടനം ചെയ്യും. മേയര് തോട്ടത്തില് രവീന്ദ്രന് അദ്ധ്യക്ഷത വഹിക്കും. ശതാബ്ദി സ്മരണിക പ്രകാശനം എം.കെ. രാഘവന് എം.പി. നിര്വഹിക്കും. തിക്കോടിയന്റെ മകള് പുഷ്പ ഏറ്റുവാങ്ങും. വി.ആര്. സുധീഷ് അനുസ്മരണ പ്രഭാഷണം നടത്തും. ജില്ലാ പഞ്ചായത്ത് പ്രസിഡന്റ് ബാബു പറശ്ശേരി നാടക പ്രവര്ത്തകരെ ആദരിക്കും. തിക്കോടിയന്റെ അരങ്ങുകാണാത്ത നടന്റെയും, ചുവന്ന കടലിന്റെയും പുതിയ പതിപ്പുകളുടെ പ്രകാശനവും നടക്കും. പുഷ്പവൃഷ്ടി വീണ്ടും അരങ്ങിലെത്തുമ്പോള് എന്നതിനെപ്പറ്റി ഡോ. കെ. ശ്രീകുമാര് സംസാരിക്കും. വൈകിട്ട് 7ന് എ. രത്നാകരന് സംവിധാനം ചെയ്ത് ദേശപോഷിണി കലാസമിതി അവതരിപ്പിക്കുന്ന പുഷ്പവൃഷ്ടി നാടകം അരങ്ങേറുമെന്ന് കോഴിക്കോട് സാംസ്കാരിക വേദി പ്രസിഡന്റ് എ.കെ. അബ്ദുള് ഹക്കിം, സെക്രട്ടറി കെ.വി. ശശി എന്നിവര് അറിയിച്ചു.
തിക്കോടിയന് ജന്മശതാബ്ദി ആഘോഷത്തിന് 14 ന് തുടക്കം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.