ചങ്ങനാശ്ശേരി: നഗരസഭയുടെ നിയന്ത്രണത്തിലുള്ള വര്ക്കിംഗ് വിമന്സ് ഹോസ്റ്റലിന്റെ നടത്തിപ്പിലുള്ള അനുമതി പുതുക്കി കൊടുത്തതില് അഴിമതി ആരോപിച്ച് പൊതുജനസേവന ജാഗ്രതാസമിതി വിജിലന്സിനു പരാതി നല്കി. കഴിഞ്ഞ 25 വര്ഷമായി ഹോസ്റ്റല് നടത്തിപ്പ് യാതൊരുവിധ ടെണ്ടര്, ക്വട്ടേഷന് മാനദണ്ഡങ്ങള് പാലിക്കാതെ പുതുക്കിനല്കി വരുന്നതുമൂലം നഗരസഭയ്ക്ക് ഭീമമായ നഷ്ടം വരുന്നതായാണ് പരാതി. ജനാധിപത്യ മഹിളാ അസ്സോസിയേഷന്റെ പേരില് നടത്തി വരുന്ന ഹോസ്റ്റലിനെക്കുറിച്ച് നഗരസഭയ്ക്ക് ഒന്നുമറിയില്ലെന്നാണ് വിവരാകാശ നിയമപ്രകാരം നല്കിയ മറുപടി. കൂടുതല് വിവരങ്ങള് അറിയണമെങ്കില് നടത്തിപ്പുകാരുമായി ബന്ധപ്പെടാനാണ് നഗരസഭയില്നിന്നും വിവാരാവകാശ പ്രകാരം നല്കിയ മറുപടിയിലുള്ളത്. ഇതില്നിന്നും യാതൊരുമാനദണ്ഡവും പാലിക്കാതെ നഗരസഭാ അധികാരികള് പ്രവൃത്തിക്കുന്നതായാണ് പരാതിയിലുള്ളത്.
സംഘടന പറയുന്ന കണക്കു വിശ്വസിച്ച് അഴിമതിക്ക് കൂട്ടുനില്ക്കുന്ന അവസ്ഥ നിലനില്ക്കെ കാരാര് പുതുക്കി നല്കുന്നതിന് അടിയന്തിര കൗ ണ്സില് വിളിക്കുകയും വളഞ്ഞവഴിയില് അജണ്ട പാസാക്കാനുള്ള ശ്രമത്തിനെതിരെ ഭരണപക്ഷ, ബിജെപി കൗണ്സിലര്മാര് രംഗത്തു വന്നിരുന്നു. ചെയര്മാന്റെ ക്യാബിനു പുറത്ത് കൗണ്സിലര്മാര് ധര്ണ്ണ നടത്തിയിരുന്നു. ഈ വിഷയത്തില് കോണ്ഗ്രസിലും പ്രശ്നങ്ങള് ഉടലെടുത്തു.
നഗരസഭാ സെക്രട്ടറി നല്കിയ വിയോജനക്കുറുപ്പും ചട്ടലംഘനങ്ങളും പരിഗണിക്കാതെ ചിലരെ സഹായിക്കുന്നതിനുള്ള ഗൂഢശ്രമമായിട്ടാണ് ഇതിനെ കാണുന്നത്.
