ആലപ്പുഴ: തുറവൂര് മഹാക്ഷേത്ര ഭക്തജനസമിതി അഴിമതി നിരോധന നിയമത്തിന്റെ പരിധിയില് വരില്ലെന്ന് ഭാരവാഹികള് പത്രസമ്മേളനത്തില് പറഞ്ഞു. ഭക്തജന സമിതിക്കെതിരെ വിജിലന്സ് അന്വേഷണം നടക്കുന്നുവെന്ന പ്രചാരണം അടിസ്ഥാന രഹിതമാണ്.
ദേവസ്വം ബോര്ഡിന്റെ നിര്ദ്ദേശപ്രകാരം രൂപീകരിച്ചിട്ടുള്ളതാണോ ഭക്തജന സമിതിയെന്നും ഭാരവാഹികളികളെ നിയമിച്ചത് ദേവസ്വം ബോര്ഡ് ആണോയെന്നുമുള്ള പ്രാഥമിക അന്വേഷണത്തിനാണ് കോട്ടയം വിജിലന്സ് കോടതി ഉത്തരവിട്ടിട്ടുള്ളതെന്നും അവര് വ്യക്തമാക്കി. തുറവൂര് ക്ഷേത്രത്തില് ഉപദേശക സമിതിക്കു പകരമായി പ്രവര്ത്തിക്കാന് ഭക്തജന സമിതിക്ക് ദേവസ്വം ബോര്ഡ് അനുമതി നല്കിയിട്ടുണ്ടെന്നും കണക്കുകള് കൃത്യമായി നല്കാറുണ്ടെന്നും അവര് വ്യക്തമാക്കി.
സെക്രട്ടറി ആര്. മോഹനന്പിള്ള, ഖജാന്ജി എ. ഭാസ്കരന് നായര്, കമ്മറ്റിയംഗങ്ങളായ പി.ആര്. വിജയകുമാര്, എസ്. ശ്രീനി, മുന് ദേവസ്വം ബോര്ഡ് കമ്മീഷണര് പി.വി. നളിനാക്ഷന് നായര് എന്നിവര് പത്രസമ്മേളനത്തില് പങ്കെടുത്തു.
