കൂത്തുപറമ്പ്: രാഖിയുള്പ്പടെയുള്ള ഹൈന്ദവ ആചാരപ്രകാരമുള്ള ചരടുകള് കെട്ടി സ്കൂളിനകത്ത് പ്രവേശിക്കരുതെന്ന് ആയിത്തരമമ്പറം ഗവ. എച്ച്എസ്എസ്സില് അധികൃതരുടെ ഫത്വ കഴിഞ്ഞ ദിവസമാണ് പ്രിന്സിപ്പാളിന്റെ ചുമതലയുള്ള അധ്യാപകന് അനൗദ്യോഗികമായി ഇത്തരമൊരു നിര്ദ്ദേശം നല്കിയത്.
കഴിഞ്ഞ വര്ഷം രാഖി കെട്ടിയ വിദ്യാര്ത്ഥികളെ ബലം പ്രയോഗിച്ച് അഴിച്ചുമാറ്റിച്ചതായുള്ള ആക്ഷേപം നിലനില്ക്കെയാണ് അധികൃതരുടെ പുതിയ ഫത്വ. മറ്റ് വിശ്വാസികള്ക്ക് അവരവരുടെ വിശ്വാസങ്ങളും ആചാരങ്ങളുമായി സ്കൂളില് പ്രവേശിക്കുമ്പോള് രാഖി കെട്ടി പ്രവേശിക്കുന്നതിന് മാത്രമാണ് നിയന്ത്രണമുള്ളത്. ഇടത് അനുകൂല സംഘടനയില് പ്രവര്ത്തിക്കുന്ന ഒരധ്യാപകനാണ് ഇതിന് നേതൃത്വം നല്കുന്നത്.
എസ്എഫ്ഐയുടെ ഫാസിസ്റ്റ് നിലപാടുകളെ വെല്ലുവിളിച്ചുകൊണ്ട് ആയിത്തര മമ്പറം സ്കൂളില് എബിവിപിക്ക് ശക്തമായ പ്രവര്ത്തനമുണ്ട്. തങ്ങളുടെ ആജ്ഞാനുവര്ത്തികളായ അധ്യാപകരെ ഉപയോഗിച്ച് എബിവിപിയുടെ പ്രവര്ത്തനത്തെ തടസ്സപ്പെടുത്താനുള്ള ബോധപൂര്വ്വമായ ശ്രമം ഈ സ്കൂളില് നേരത്തെയും ഉണ്ടായിട്ടുണ്ട്. എബിവിപിയുടെ പ്രവര്ത്തനത്തനവുമായി മുന്നോട്ട് പോകുന്ന വിദ്യാര്ത്ഥികളെ അധ്യാപകര് നേരിട്ട് ഭീഷണപ്പെടുത്തിയ സംഭവവും ഇതേ സ്കൂളില് നടന്നിട്ടുണ്ട്.
