വാഷിങ്ടണ്: ദിവസേന ഓടുന്നത് ഓര്മ്മശക്തി വര്ദ്ധിപ്പിക്കുന്നതായി പഠനഫലം. അമേരിക്കയും ജര്മ്മനിയും ചേര്ന്നു നടത്തിയ പഠനത്തിലാണ് മനുഷ്യന്റെ ഓര്മ്മയ്ക്ക് വലിയ മാറ്റമുണ്ടാകാന് സാധ്യതയുള്ള ഫലം വന്നത്.
മുന്പ് വ്യായമത്തിലൂടെ പ്രോട്ടീനുകളും ന്യൂറോണുകളും വര്ദ്ധിപ്പിക്കുമെന്ന് തെളിഞ്ഞിരുന്നു. പുതിയ പഠനത്തില് പ്രോട്ടീനായ കതെപ്സിന് ബിയും ഇതിലൂടെ വളരുമെന്ന് കണ്ടെത്തി. മനുഷ്യന് കാര്യങ്ങള് പെട്ടന്ന് ഗ്രഹിക്കാന് ഇത് വലിയ പങ്ക് വഹിക്കുന്നുണ്ടെന്നാണ് പഠനഫലം.
ഇരുരാജ്യങ്ങളിലേയും ശാസ്ത്രജ്ഞര് നടത്തിയ പഠനത്തില് ശരീരത്തിന്റെ പേശികളുടെ രഹസ്യ കോശങ്ങള് തലച്ചോറിലേക്ക് കയറുമെന്ന് കണ്ടെത്തി.
ഇവ ഓര്മ്മയെ സഹായിക്കുന്നവയാണ്. ഒരു വിഭാഗം ചുണ്ടെലികളില് നടത്തിയ പഠനത്തിലാണ് ഇവര് വിജയിച്ചത്. സാധാരണ എലികളില് നിന്നും ഇത്തരത്തിലുള്ള എലികള്ക്ക് കൂടുതല് ഓര്മ്മ ശക്തിയുണ്ടാകുമെന്നാണ് ഫലം വന്നത്.
ഒരാഴ്ച്ചയോളം എലികളെ ഇവര് നിരീക്ഷിച്ചിരുന്നു. ഇവര്ക്ക് നീന്തുന്നതിനായി എന്നും പ്രത്യേകതരത്തില് നിര്മ്മിച്ച സ്ഥലത്താണ് പരിശീലനം നല്കിയത്. ഇടയ്ക്കിടയ്ക്ക് ഉള്ള പ്രദേശത്ത് ചെറിയ പ്രതലവും ഇട്ടാണ് പരിശീലനം നടത്തിയത്. സാധാരണ എലികളില് നിന്നും മറ്റുള്ള എലികള് പെട്ടെന്ന് മനസ്സിലാക്കി.
മനുഷ്യനും ഒരു വിഭാഗം കുരങ്ങന്മാര്ക്കും ചുണ്ടെലികള്ക്കും ഇത്തരത്തിലുള്ള പ്രോട്ടീന് ഉത്പാദിപ്പിക്കപ്പെടുമെന്ന് കണ്ടെത്തിയതായി ശാസ്ത്രജ്ഞര് അഭിപ്രായപ്പെട്ടു. മനുഷ്യര് നാല് മാസം ക്രമമായി വ്യായാമത്തില് ഏര്പ്പെട്ടാല് ഓര്മ്മശക്തിയുടെ കാര്യത്തില് പ്രകടമായ വ്യത്യാസമുണ്ടാകും.
എന്തുതന്നെ ആയാലും പ്രോട്ടീനുകളുടെ പ്രവര്ത്തനത്തെ കുറിച്ച് വ്യക്തമായ ഉത്തരം പഠനഫലം നല്കുന്നില്ല. ഇതിന് പുറമേ നടത്തിയ പഠനത്തില് തലച്ചോറില് പ്രോട്ടീനുകളും അംയിലോഡ് പ്ലേഖും തമ്മിലുള്ള ബന്ധമുള്ളതായി കണ്ടത്തി. ഇതാണ് മറവിരോഗത്തിനുള്ള പ്രധാന കാരണം. ഇത് കുറയ്ക്കുന്നത് കതെപ്സിന് ബി സഹായിക്കുമെന്ന് കണ്ടെത്തിയിരുന്നു. ജീവിതശൈലിയില് മാറ്റമുണ്ടാക്കിയാല് രോഗങ്ങള്ക്കൊപ്പം ഓര്മ്മശക്തിയും വര്ദ്ധിപ്പിക്കുവാന് സാധിക്കുമെന്നാണ് പഠനത്തില് തെളിയുന്നത്.
