ഇടുക്കി: ജില്ലാ പോലീസ് മേധാവി എ വി ജോര്ജ് ഐപിഎസിന്റെ നേതൃത്വത്തില് നടന്ന വ്യാപാരി വ്യവസായി ജില്ലാ പ്രതിനിധികളുടെ യോഗത്തില് പ്രധാന ടൗണുകളിലും ജില്ലാ അതിര്ത്തികളിലും നിരീക്ഷ ക്യാമറ സ്ഥാപിക്കണമെന്ന് നിര്ദ്ദേശം. വ്യാപാരി വ്യവസായികള് ഈ നീക്കത്തിന് എല്ലാ പിന്തുണയും വാഗ്ദാനം ചെയ്തിട്ടുണ്ട്. ഇന്നലെ ജില്ലാ പോലീസ് ഓഫീസില് വച്ച് നടന്ന പ്രതിനിധി യോഗത്തിലാണ് നിര്ണ്ണായകമായ നിരവധി തീരുമാനങ്ങള് ഉണ്ടായത്. ടൗണുകളില് മാലിന്യം നിക്ഷേപിക്കുന്നതിന് അതത് അതോറിറ്റികളുമായി ബന്ധപ്പെട്ട് വേസ്റ്റ് ബാസ്ക്കറ്റ് സ്ഥാപിക്കുന്നതിനും യോഗത്തില് തീരുമാനമുണ്ടായി. നടപ്പാതയിലേയും വാഹനങ്ങളിലേയും കച്ചവടം നിയന്ത്രിക്കുന്നതിന് പോലീസും, തദ്ദേശ സ്വയംഭരണ സ്ഥാപനങ്ങളുടെ സഹായവും ഉറപ്പാക്കും. ലൈസന്സ് ഇല്ലാത്ത ഓട്ടോ ഡ്രൈവര്മാര്ക്കെതിരെ നടപടി സ്വീകരിക്കുന്നതിനും പഞ്ചായത്ത്/ മുനിസിപ്പല് അധികൃതരുമായി ബന്ധപ്പെട്ട് ട്രാഫിക് അഡൈ്വസറി കമ്മറ്റി കൂടുന്നതിനും നിര്ദ്ദേശമുണ്ടായി. പോലീസ് പെട്രോളിങ് ശക്തമാക്കണമെന്നും അന്യസംസ്ഥാന തൊഴിലാളികളുടെ വിവരങ്ങള് വേണ്ടപ്പെട്ട സ്റ്റേഷന് ഹൗസ് ഓഫീസര്മാര് ശേഖരിക്കണമെന്നും എസ് പി നിര്ദ്ദേശിച്ചു. മദ്യം മയക്കുമരുന്ന് വില്പ്പനക്കാരെക്കുറിച്ചുള്ള വിവരങ്ങള്, മറ്റ് സാമൂഹ്യ വിരുദ്ധ പ്രവര്ത്തനങ്ങള് അറിയിക്കണമെന്ന് ജില്ലാ പോലീസ് മേധാവി വ്യാപാരിവ്യവസായികളോട് നിര്ദ്ദേശിച്ചിട്ടുണ്ട്. കുമളി ട്രാഫിക് പോലീസ് യൂണിറ്റ് ആരംഭിക്കുന്നതിനും തീരുമാനമെടുത്തിട്ടുണ്ട്. മീറ്റിങില് ഡിവൈഎസ്പി എജി ലാല്, വ്യാപാരിവ്യവസായി ജില്ലാ പ്രസിഡന്റ് മാരിയില് കൃഷ്ണന്, ജില്ലാ സെക്രട്ടറിമാരായ സണ്ണി പൈമ്പിള്ളില്, കെ പി ഹസന്, അംഗങ്ങളായ കെ ആര് സജീവ്, ജോസ് വര്ഗീസ് തുടങ്ങിയവരും യോഗത്തില് പങ്കെടുത്തു.
ജില്ല ഇനി സമ്പൂര്ണ്ണ ക്യാമറ നിരീക്ഷണത്തിലേക്ക്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.