തൊടുപുഴ: തൊടുപുഴ പോലീസിനെ ഫോണില് വിളിച്ച് അറിയിച്ചതിന് ശേഷം മധ്യവയസ്കന്റെ ആത്മഹത്യാ ഭീഷണി. എറണാകുളം മരട് സ്വദേശി ജോണ് ആണ് സഹകരണ ബാങ്ക് ഉദ്യോഗസ്ഥനായ കാരിക്കോട് കുഞ്ചിറക്കാട്ട് ആന്റണി ജോസഫിന്റെ വീട്ടിലെത്തി ആത്മഹത്യാ ഭീഷണി മുഴക്കിയത്. ഇന്നലെ രാവിലെയായിരുന്നു സംഭവം. പോലീസ് സ്ഥലത്തെത്തി ജോണിനെ കസ്റ്റഡിയിലെടുത്ത് സ്റ്റേഷനിലെത്തിക്കുകയായിരുന്നു. സംഭവത്തിന്റെ വിശദാംശം ഇങ്ങനെ: ജോണും ആന്റണിയും ബന്ധുക്കളാണ്. 2001ല് കോലാനിയില് ജോണിന്റെ ഭാര്യ മേഴ്സിയുടെ പേരിലുണ്ടായിരുന്ന 15 സെന്റ് വസ്തു ആന്റണിക്ക് മുക്ത്യാറായി നല്കി. ഈ സമയത്ത് 3 ലക്ഷം രൂപ വസ്തുവില് കടം ഉണ്ടായിരുന്നു. ആന്റണി ഈ കടം വീട്ടുകയും പിന്നീട് വസ്തു മറിച്ച് വില്ക്കുകയും ചെയ്തു. കോലാനി ബൈപ്പാസ് വന്നതോടെ വസ്തുവിന്റെ വില ക്രമാതീതമായി ഉയര്ന്നു. ഇതേത്തുടര്ന്നാണ് 15 സെന്റ് തിരികെ വാങ്ങാന് ജോണ് ശ്രമം തുടങ്ങിയത്. വസ്തു ഇടപാട് സംബന്ധിച്ച് കോടതിയില് കേസ് നിലനില്ക്കുന്നുണ്ട്. ഇന്ന് കേസിന്റെ അവധിയുമാണ്.
ഈ സാഹചര്യത്തിലാണ് മധ്യവസയ്കന്റെ ആത്മഹത്യാ ഭീഷണി. സംഭവത്തില് പോലീസ് കേസെടുത്തിട്ടില്ല.
