മറയൂര്: മറയൂര് ബാബുനഗറില് ഒറ്റയാന് ഇറങ്ങിയത് ജനങ്ങളെ പരിഭ്രാന്തരാക്കി. ഇന്നലെ പുലര്ച്ചെയാണ് പൊന്നുസ്വാമി-ശെല്വി ദമ്പതികളുടെ വീടിന് സമീപത്ത് ആന എത്തിയത്. ബഹളം കേട്ട് വീട്ടുകാര് ഉണര്ന്നപ്പോള് വീടിന് സമീപത്തെ പ്ലാവില് നിന്നും ചക്ക പറിച്ചെടുക്കുന്ന ആനയെയാണ് കണ്ടത്. ശബ്ദമുണ്ടാക്കി ആനയെ ഓടിച്ചു. പിന്നീട് ബാബുനഗറില് തന്നെയുള്ള ലക്ഷ്മിയെന്ന സ്ത്രീയുടെ വീടിന് സമീപത്ത് നിന്ന് വെള്ളം കുടിച്ചതിന് ശേഷമാണ് ആന കാട്ടിലേക്ക് പോയത്. വനവും ജനവാസ കേന്ദ്രവും തമ്മില് വേര്തിരിക്കുന്നതിന് വൈദ്യുത വേലി ഇല്ല. പ്രദേശത്ത് വൈദ്യുത വേലി സ്ഥാപിക്കണമെന്ന് നാട്ടുകാര് ആവശ്യപ്പെടാന് തുടങ്ങിയിട്ട് നാളുകളായി. എന്നാല് വനംവകുപ്പും സര്ക്കാരും ഇതേക്കുറിച്ച് ഒന്നും പ്രതികരിക്കുന്നില്ല.കാട്ടാന എത്താതിരിക്കാന് പ്രദേശത്തെ പ്ലാവുകളിലെ ചക്ക നീക്കം ചെയ്യണമെന്നാണ് വനംവകുപ്പ് നിര്ദ്ദേശിച്ചിരിക്കുന്നത്. കഴിഞ്ഞ വര്ഷം ഇതേ സമയത്ത് ബാബുനഗറിലും പരിസരത്തും കാട്ടാന ഇറങ്ങിയിരുന്നു. കാട്ടാനയുടെ ആക്രമണത്തില് വൃദ്ധന് മരിക്കുകയും ചെയ്തിരുന്നു.
ബാബുനഗറില് ഒറ്റയാനിറങ്ങി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.