ചേളന്നൂര്: വായനാ വാരത്തോടനുബന്ധിച്ച് ചേളന്നൂര് മുതുവാട് എഎല്പി സ്ക്കൂളില് പി.എന് പണിക്കര് അനുസ്മരണം നടത്തി.വായനാമത്സരം, ക്ലാസുതല വായനാ ക്ലബ്ബുകളുടെ ഉദ്ഘാടനം എന്നിവയും നടത്തി. എം. നജീബിന്റെ അധ്യക്ഷതയില് പ്രധാന അധ്യാപിക ടി.കെ. ഖജീജ ഉദ്ഘാടനം ചെയ്തു. എം. ജിതേഷ്, ബി.ആര്. ബിജേഷ്, കെ.ഇന്ദിര, എം.പി. ബിനീഷ്, ടി.എം. സൗദ സംസാരിച്ചു.
ചേളന്നൂര് സാംസ്കാരിക സഹൃദയ സാഹിത്യവേദി വായനാവാരത്തോടനുബന്ധിച്ച് പി.എന്.പണിക്കര് അനുസ്മരണവും വായനാ മത്സരവും ചര്ച്ചയും നടത്തി. പ്രസിഡന്റ് ഇരുവള്ളൂര് ജയചന്ദ്രന്റെ അധ്യക്ഷതയില് പ്രൊഫ. കെ.വിജയരാഘവന് ഉദ്ഘാടനം ചെയ്തു. അഡ്വ. കെ.സച്ചിദാനന്ദന്, പി.എം. കോയ,വി.എ.റസാഖ്, ഇ. അശ്വതി സംസാരിച്ചു.
പ്രൊഫ.ഐ.ജി.ഭാസ്ക്കര പണിക്കരുടെയും കാക്കൂര് കെ.ബി.കെ. കൊരയങ്ങാടിന്റെയും നിര്യാണത്തില് യോഗം അനുശോചിച്ചു.
വടകര: വടകര പുളിഞ്ഞോളി എസ്.ബി വായനാവാരാചരണം ഇ.വി.വത്സന് മാസ്റ്റര് ഉദ്ഘാടനം ചെയ്തു. വാര്ഡ് കൗണ്സിലര് പി. അശോകന് അദ്ധ്യക്ഷത വഹിച്ച ചടങ്ങില്,സാഹിത്യകാരന്മാരുടെ മുഖം മൂടി അണിഞ്ഞെത്തിയവിദ്യാര്ത്ഥികള് അതത് സാഹിത്യകാരന്മാരുടെ പുസ്തകങ്ങള് മറ്റ് വിദ്യാര്ത്ഥികള്ക്ക് വിതരണംചെയ്തു. സ്റ്റാഫ് സെക്രട്ടറി ഗഫൂര് മാസ്റ്റര് ശ്രീജിത്ത് എന്നിവര് ആശംസ നേര്ന്നു. സ്കൂള് ഹെഡ്മിസ്ട്രസ് വിജയലക്ഷ്മി സ്വാഗതവും മുഹമ്മദ് മാസ്റ്റര് നന്ദിയും പറഞ്ഞു.
ചെലവൂര്: ചെലവൂര് ഗവ.എല്.പി. സ്കൂളില് വിപുലമായ പരിപാടികളോടെ വായനാവാരത്തിനു തുടക്കമായി. മലയാളത്തിലെ എല്ലാ പത്രങ്ങളും ബാലമാസികകളും സ്കൂള് ലൈബ്രറിയിലെ പുസ്തകങ്ങളും ഉള്പ്പെടുത്തി വായനക്കണ്ടി എന്ന പേരില് സംഘടിപ്പിച്ച പ്രദര്ശനം പി.ടി.എ. പ്രസിഡന്റ് ആഷിക് ചെലവൂര്, സ്കൂള് ലൈബ്രറിയിലേക്ക് പുസ്തകങ്ങള് നല്കിക്കൊണ്ട് ഉദ്ഘാടനം ചെയ്തു. ഹെഡ്മാസ്റ്റര് എന്. അജയകുമാര് അധ്യക്ഷത വഹിച്ചു.സി.എം. രാമചന്ദ്രന്,തങ്കമണി എ.പി. തുടങ്ങിയവര് പ്രസംഗിച്ചു. 24 ന് നടക്കുന്ന സമാപന സമ്മേളനത്തില് വെച്ച് വിജയികള്ക്ക് സമ്മാനങ്ങള് നല്കും.
നൊച്ചാട് എച്ച്എസ്എസ്സില് സ്മാര്ട്ട് ലൈബ്രറി പ്രൊജക്ടിന് തുടക്കം. എക്സൈസ് മന്ത്രി ടി.പി. രാമകൃഷ്ണന് ഉദ്ഘാടനം ചെയ്തു. പൂര്വ്വ വിദ്യാര്ത്ഥി രമേശനില് നിന്ന് പുസ്തകം സ്വീകരിച്ചു കൊണ്ടായിരുന്നു ഉദ്ഘാടനം പി.വാസന്തി ഏറ്റുവാങ്ങി 2500. പുസ്ത കങ്ങള് സമാഹരിക്കാന് തീരുമാനിച്ചു.
