കണ്ണൂര്: സംസ്ഥാനത്ത് മുഖ്യമന്ത്രിയായ പിണറായി വിജയന്റെ ജില്ലയില് രണ്ട് ദളിത് സ്ത്രീകളെയും ഒന്നര വയസ്സുള്ള കുഞ്ഞിനെയും കള്ളക്കേസില് കുടുക്കി ജയിലിലടച്ചിട്ട് രണ്ട് ദിവസം കഴിഞ്ഞിട്ടും ആഭ്യന്തരവകുപ്പ് കൂടി കൈകാര്യം ചെയ്യുന്ന മുഖ്യമന്ത്രി ഈ വിവരം അറിഞ്ഞിട്ടില്ലെന്ന് പറയുമ്പോള് ആ സ്ഥാനത്തിരിക്കാന് പിണറായി വിജയന് അര്ഹതയിലെന്ന് മഹിളാമോര്ച്ച സംസ്ഥാന സെക്രട്ടറി അഡ്വ.ഒ.എം.ശാലീന അഭിപ്രായപ്പെട്ടു. മഹിളാമോര്ച്ച കണ്ണൂര് ജില്ലാ പ്രവര്ത്തക കണ്വെന്ഷന് ഉദ്ഘാടനം ചെയ്ത് സംസാരിക്കുകയായിരുന്നു അവര്. സംസ്ഥാനത്തെ മുഴുവന് പേര്ക്കും സംരക്ഷണം നല്കുവാനുള്ള ഉത്തരവാദിത്തം മുഖ്യമന്ത്രിക്കുണ്ട്. അധികാരമേറ്റെടുത്തതിന് ശേഷം സംസ്ഥാനവ്യാപകമായി ഏകപക്ഷീയമായി സിപിഎം അക്രമം നടന്നുവരികയാണ്. തലശ്ശേരി മണ്ഡലം മഹിളാമോര്ച്ച സെക്രട്ടറി ലസിത പാലക്കലിന്റെ വീടിന് നേരെ നിരവധിതവണ അക്രമമുണ്ടായി. പേരാവൂരില് ഏഴു വയസ്സുള്ള കുഞ്ഞിനെ സിപിഎം സംഘം വെട്ടിപ്പരിക്കേല്പ്പിച്ചു. ഇതിലൂടെ വരുംതലമുറയിലും ഭീതി പരത്താനുള്ള ശ്രമമാണ് സിപിഎം നടത്തുന്നത്. മുഖ്യമന്ത്രിയായിട്ടും പിണറായി സങ്കുചിതമായാണ് ചിന്തിക്കുന്നത്. മഹിളകള്ക്കെതിരെയുള്ള അക്രമങ്ങള് സിപിഎം അവസാനിപ്പിച്ചില്ലെങ്കില് ശക്തമായ പ്രക്ഷോഭത്തിന് മഹിളാമോര്ച്ച നേതൃത്വം നല്കുമെന്നും ശാലീന പറഞ്ഞു. കണ്വെന്ഷനില് മഹിളാമോര്ച്ച ജില്ലാ പ്രസിഡണ്ട് ആനിയമ്മ രാജേന്ദ്രന് അധ്യക്ഷത വഹിച്ചു. ബിജെപി ജില്ലാ പ്രസിഡണ്ട് പി.സത്യപ്രകാശ്, സംസ്ഥാന സമിതിയംഗം കെ.രഞ്ചിത്ത്, മഹിളാമോര്ച്ച നേതാക്കളായ ഡോ.അനുപമ, ചന്ദ്രിക വാസുദേവ്, ടി.വി.ലക്ഷ്മിക്കുട്ടി, അഡ്വ.ശാന്തിനി, ബിജെപി ജില്ലാ ഭാരവാഹികളായ സുജാത പ്രകാശന്, കെ,കാര്ത്തിക തുടങ്ങിയവര് സംസാരിച്ചു.
മുഖ്യമന്ത്രിസ്ഥാനത്തിരിക്കാന് പിണറായി വിജയന് അര്ഹതയില്ല: മഹിളാമോര്ച്ച
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.