ചക്കരക്കല് : ആര്എസ്എസ് ചക്കരക്കല് താലൂക്ക് സഹകാര്യവാഹിന്റെ വീടിനു നേരെ സിപിഎം ബോംബേറ്. ആര്എസ്എസ് ചക്കരക്കല് താലൂക്ക് സഹകാര്യവാഹായ ടി.പവിത്രന്റെ മതുക്കോത്തുളള നയനം എന്ന വീടിനു നേരെയാണ് സിപിഎമ്മുകാര് ബോംബേറ് നടത്തിയത്. ബോംബേറിന്റെ ആഘാതത്തില് വീട്ടില് മുറിക്കകത്ത് കിടന്നുറങ്ങുകയായിരുന്ന പവിത്രന്റെ മകള് ബോധരഹിതയായി. ഭാഗ്യകൊണ്ടാണ് മുറിക്കകത്ത് മകളോടൊപ്പം ഉറങ്ങുകയായിരുന്ന പവിത്രനും ഭാര്യയും രക്ഷപ്പെട്ടത്. തുടര്ന്ന് ആശുപത്രിയില് പ്രവേശിപ്പിച്ചു. വ്യാഴാഴ്ച രാത്രി 12 മണിയോടെയാണ് സമീപവാസികളായ നാലംഗ സിപിഎം സംഘം ബോംബേറ് നടത്തിയത്. സംഭവം സംബന്ധിച്ച് പവിത്രന് ചക്കരക്കല് പോലീസില് പരാതി നല്കി. വൈകുന്നേരം ബിജെപി പ്രവര്ത്തകര് മതുക്കോത്ത് പ്രതിഷേധപ്രകടനവും പൊതുയോഗവും നടത്തി.
കഴിഞ്ഞ നിയമസഭാ തെരഞ്ഞെടുപ്പില് പവിത്രന് ഉള്പ്പെടെയുളളവരുടെ പ്രവര്ത്തനം കൊണ്ട് വീടുള്പ്പെടുന്ന പ്രദേശത്തെ വാര്ഡില് ബിജെപിക്ക് വന് വോട്ട് വര്ദ്ധനയുണ്ടായിരുന്നു. ഇതില് വിറളിപൂണ്ട് ദിവസങ്ങളായി മേഖലയില് അക്രമം നടത്താന് സിപിഎം നീക്കങ്ങള് നടത്തിവരികയായിരുന്നു. ഇതിന്റെ തുടര്ച്ചയായാണ് ബോംബേറെന്നാണ് സൂചന. ബിജെപി അംഗം കേരള നിയമസഭയിലെത്തിയ ദിവസം ബിജെപി നടത്തിയ വിജയാഹ്ലാദത്തിനിടെ പവിത്രനെ സിപിഎം സംഘം ഭീഷണിപ്പെടുത്തിയിരുന്നു.
ബോംബേറ് നടന്ന പവിത്രന്റെ വീട് വിവിധ സംഘപരിവാര് നേതാക്കള് സന്ദര്ശിച്ചു. ആര്എസ്എസ് സംഭാഗ് കാര്യവാഹ് പി.പി.സുരേഷ്ബാബു, വിഭാഗ് കാര്യകാരി സദസ്യന് കെ.വി.ജയരാജന് മാസ്റ്റര്, ജില്ലാ കാര്യവാഹ് കെ.പ്രമോദ്, ജില്ലാ പ്രചാരക് രഞ്ചിത്ത്, താലൂക് കാര്യവാഹ് കെ.രാജു, ബിജെപി സംസ്ഥാന സമിതിയംഗങ്ങളായ കെ.രഞ്ചിത്ത്, എ.ദാമോദരന്, ജില്ലാ പ്രസിഡണ്ട് പി.സത്യപ്രകാശ്, ജില്ലാ ജനറല് സെക്രട്ടറി കെ.കെ.വിനോദ് കുമാര്, പി.കെ.വേലായുധന്, എ.ഒ.രാമചന്ദ്രന്, റിതേഷ്, മണ്ഡലം പ്രസിഡണ്ട് ടി.സി.മനോജ്, എം.കെ.ശശീന്ദ്രന് മാസ്റ്റര്, ഇ.കെ.രവി, എന്.വി.പ്രേമരാജന്, ഹിന്ദു ഐക്യവേദി ജില്ലാ പ്രസിഡണ്ട് കെ.ജിബാബു എന്നിവര് സന്ദര്ശിച്ചു.
