????????????????????????????????????
കൊട്ടിയൂര്‍: അക്കരെ സന്നിധാനത്തെ ദേവസ്വം പ്രത്യേകം നിയോഗിച്ച താല്‍കാലിക ജീവനക്കാരടങ്ങുന്ന നാല്‍വര്‍ സംഘം എപ്പോഴും ജാഗരൂകരാണ്. കാരണം മണിക്കൂറോളം ക്യൂവില്‍ നിന്ന് തളര്‍ന്നു വീഴുന്നവര്‍ മുതല്‍ പ്രായമായവരും അവശരായി എത്തുന്നവരെയും സ്‌ട്രൈച്ചറില്‍ അക്കരെ സന്നിധാനത്ത് ഒരുക്കിയ പ്രാഥമിക ചികിത്സ കേന്ദ്രത്തില്‍ എത്തിക്കുന്ന ചുമതലക്കാരാണ് ഈ നാല്‍വര്‍ സംഘം. എത്ര തന്നെ ഭക്തജന തിരക്ക് അനുഭവപ്പെട്ടാലും ഇവര്‍ സ്‌ട്രൈച്ചറുമായി പറന്നെത്തും. ഒരു പരിശീലനവും നല്‍കിയിട്ടില്ലെങ്കിലും വളരെ ക്യത്യതയോടെയാണ് നാല്‍വര്‍ സംഘം ജോലി ചെയ്യുന്നത്. പകല്‍ സമയങ്ങളില്‍ മുഴുവനായും ഈ സംഘം സന്നിധാനത്ത് ഉണ്ടാകും.വിസില്‍ മുഴങ്ങുന്നത് കേട്ടാല്‍ മതി സ്‌ട്രൈച്ചറുമായി അവരെത്തും.അക്കരെ സന്നിധിയിലെ പ്രാഥമിക ചികിത്സാ കേന്ദ്രത്തില്‍ പ്രതിദിനം അമ്പതിലധികം രോഗികളെയാണ് ചികിത്സിക്കുന്നത്.അവശരായി വീഴുന്നവരെ ആദ്യം പ്രാഥമിക ചികിത്സാ കേന്ദ്രത്തില്‍ എത്തിച്ച് പ്രാഥമിക പരിശോധനയും ചികിത്സയും നല്‍കും. കൂടുതല്‍ ഗുരുതരമായ സംഭവങ്ങളില്‍ ഇക്കരെ കൊട്ടിയൂരിലെ പ്രാഥമികാരോഗ്യ കേന്ദ്രത്തില്‍ എത്തിച്ച് വിശദമായ പരിശോധനകള്‍ക്ക് ശേഷം വിദഗ്ദ ചികിത്സയ്‌ക്കായി അയയ്‌ക്കും. അരകിലോമീറ്ററോളം ദൂരം സ്‌ട്രൈച്ചറില്‍ ചുമന്നാണ് രോഗികളെ ഇക്കരെ എത്തിക്കുന്നത്. അക്കരെ സന്നിധാനത്ത് ഒരു ഡോക്ടറും സ്റ്റാഫ് നഴ്‌സുമാരും നഴ്‌സിങ്ങ് അസിസ്റ്റന്‍മാരും സഹായികളും ഉണ്ട്.എല്ലാ വര്‍ഷവും മെഡിക്കല്‍ ടീം ഉണ്ടാകാറുണ്ടെങ്കിലും ആദ്യമായാണ് അക്കരെ സന്നിധാനത്ത് സ്‌ട്രൈച്ചര്‍ ടീമിനെ നിര്‍ത്തുന്നത്. സ്‌ട്രൈച്ചര്‍ ഉപയോഗിക്കാത്ത സമയങ്ങളില്‍ ഇവര്‍ ഭക്തജനങ്ങള്‍ക്ക് ചൂടുവെള്ളം വിതരണം ചെയ്യുന്നുണ്ട്. വരും വര്‍ഷങ്ങളില്‍ കൂടുതല്‍ സംവിധാനങ്ങള്‍ ഏര്‍പ്പെടുത്താന്‍ ദേവസ്വംആലോചിക്കുന്നതായി അധികൃതര്‍ അറിയിച്ചു.
