കണ്ണൂര്‍: കേന്ദ്രസര്‍ക്കാരിന്റെ രണ്ടാം വാര്‍ഷികത്തോടനുബന്ധിച്ച് കേരളത്തിന് അനുവദിച്ച ഫാര്‍മ പാര്‍ക്ക് കണ്ണൂരില്‍ ആരംഭിക്കുന്നതിന് വേണ്ട നടപടികള്‍ സ്വീകരിക്കണമെന്ന് നോര്‍ത്ത് മലബാര്‍ ചേമ്പര്‍ ഓഫ് കൊമേഴ്‌സ് കേന്ദ്ര ആരോഗ്യ മന്ത്രിക്കും, കേരള ആരോഗ്യവകുപ്പ് മന്ത്രിക്കും സമര്‍പ്പിച്ച നിവേദനത്തില്‍ ആവശ്യപ്പെട്ടു. ആരോഗ്യ പരിപാലന രംഗത്ത് ഏറെ ശ്രദ്ധപതിപ്പിക്കുന്ന കേരളത്തിലെ ജനങ്ങളില്‍ ഏറിയ പങ്കും മരുന്നനെ ആശ്രയിച്ചുകഴിയുന്നവരാണ്. അതുകൊണ്ട് തന്നെ കേരളത്തിന് പുറത്തുള്ള കമ്പനികളില്‍നിന്നുള്ള ലഭ്യതെ ആശ്രയിച്ചിരിക്കും ഇവിടുത്തെ ആരോഗ്യം. ഇതിന് മാറ്റം വരുത്തണമെങ്കില്‍ കണ്ണൂരില്‍ ഫാര്‍മ പാര്‍ക്ക് കൂടിയേതീരൂ. ഔഷധ തോട്ടങ്ങള്‍ ഉള്‍പ്പെടെ അനുകൂല ഘടകങ്ങള്‍ എല്ലാം ഒത്തിണങ്ങിയ ജില്ലയാണ് കണ്ണൂര്‍. അനവധി ആളുകള്‍ക്ക് ജോലികള്‍ നല്‍കാനും വിദ്യാര്‍ത്ഥികള്‍ക്ക് പഠിക്കാനുള്ള വിവിധ ഫാര്‍മസ്യൂട്ടിക്കല്‍ കോഴ്‌സുകള്‍ ആരംഭിക്കുവാനും ഇത് വഴി സാധിക്കും. കേരള ഗവണ്‍മെന്റ് ഫാര്‍മ പാര്‍ക്ക് ആരംഭിക്കുന്നതിന് വേണ്ടി ആവശ്യമായ സ്ഥലം അക്വയര്‍ ചെയ്ത് കൈമാറാനും ഫാര്‍മ പാര്‍ക്ക് യഥാര്‍ത്ഥ്യമാക്കാനും വേണ്ട നടപടികള്‍ സ്വീകരിക്കണമെന്ന് ചേമ്പര്‍ ഭാരവാഹികള്‍ ആവശ്യപ്പെട്ടു.
ഫാര്‍മ പാര്‍ക്ക് കണ്ണൂരില്‍ സ്ഥാപിക്കണം
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.