കൂത്തുപറമ്പ്: ആയിത്തറ മമ്പറത്ത് ബോംബ് നിര്മ്മാണത്തിനിടെയുണ്ടായ സ്ഫോടനത്തില് സിപിഎം പ്രവര്ത്തകന്റെ ഇരു കൈകളും തകര്ന്ന സംഭവത്തില് കേസൊതുക്കിത്തീര്ക്കാന് പോലീസിന്റെ ശ്രമം.
കഴിഞ്ഞ ദിവസമാണ് മമ്പറത്ത് ബോംബ് നിര്മ്മാണത്തിനിടെ സ്ഫോടനം നടന്ന് സിപിഎം പ്രവര്ത്തകന് രാജ് കമലിന്റെ ഇരുകൈകളും തകര്ന്നത്. ഇയാള് ഇപ്പോള് കോഴിക്കോട് സ്വകാര്യ ആശുപത്രിയില് ചികിത്സയിലാണ്. സ്ഫോടനം നടന്ന ദിവസം പോലീസ് സംഭവ സ്ഥലം സന്ദര്ശിച്ചിരുന്നെങ്കിലും ഇത്തരമൊരു സംഭവം ശ്രദ്ധയില്പ്പെട്ടിട്ടില്ലെന്നാണ് ഇപ്പോള് നല്കുന്ന വിശദീകരണം. 19 ന് രാത്രി എട്ട് മണിയോടെ ഉഗ്രസ്ഫോടനത്തിന്റെ ശബ്ദം കേട്ടുവെന്നാണ് പ്രദേശവാസികള് പറയുന്നത്. ഗുരുതരാവസ്ഥയില് ആശുപത്രിയില് കിടക്കുന്ന രാജ്കമലില് നിന്ന് പോലീസ് മൊഴിയെടുക്കാത്തതും ദുരൂഹതയുയയര്ത്തുന്നു.
മുന് പഞ്ചായത്ത് പ്രസിഡന്റായ പ്രദേശത്തെ സിപിഎം നേതാവാണ് കേസ് ഒതുക്കിത്തീര്ക്കാന് ഇടപെട്ടത്. രാജ് കമലിന്റെ ആശുപത്രി ചിലവ് ഉള്പ്പടെയുള്ള കാര്യങ്ങള് ചെയ്ത് കൊടുക്കുന്നത് പാര്ട്ടി നേതൃത്വമാണ്. ആയിത്തറ മമ്പറം പ്രദേശത്ത് സംഘര്ഷമുണ്ടാക്കാന് സിപിഎം നേതൃത്വത്തിന്റെ നിര്ദ്ദേശപ്രകാരമാണ് ബോംബ് നിര്മ്മിച്ചതെന്നാണ് സൂചന.
