കണ്ണൂര്: പരാതികള് നല്കുകയും എന്നാല് സിറ്റിങ്ങില് പങ്കെടുക്കാതിരിക്കുകയും ചെയ്യുന്ന പ്രവണത വനിതാ കമ്മീഷനില് ലഭിക്കുന്ന പരാതികളുടെ പരിഹാരത്തെ ബാധിക്കുന്നുണ്ടെന്ന് കമ്മീഷന് അംഗം അഡ്വ.നൂര്ബിന റഷീദ് പറഞ്ഞു. കലക്ടറേറ്റ് സമ്മേളന ഹാളില് നടന്ന കമ്മീഷന് സിറ്റിങ്ങിനുശേഷമായിരുന്നു അവരുടെ ഈ അഭിപ്രായമുണ്ടായത്.
ലഭ്യമായ പരാതികളിന്മേല് സിറ്റിങ്ങ് നടത്തി പരിഹാരത്തിന് കമ്മീഷന് എപ്പോഴും പ്രതിജ്ഞാബദ്ധമാണ്. വലിയൊരളവില് ഇത് സാധ്യമായിട്ടുണ്ട്. ഇതിനിടെയാണ് കാര്യമായ പരാതികള് നല്കുക എന്നാല് കേസ് വിളിച്ചാല് വരാതിരിക്കുകയും ചെയ്യുന്ന പ്രവണതയുളളതെന്ന് അവര് പറഞ്ഞു.
കലക്ടറേറ്റ് സമ്മേളന ഹാളില് നടന്ന സിറ്റിങ്ങില് ആകെ 54 പരാതികള് പരിഗണനക്ക് വന്നു. ഇതില് 34 കേസുകള്ക്ക് പരിഹാരമായി. 8 കേസുകള് പൊലീസിനും ഒരെണ്ണം ഡി എം ഒ യുടെ പരിഗണനക്കും വിട്ടു. 2 കേസുകള് ഫുള്കമ്മീഷന് പരിഗണനക്കും 12 കേസുകള് അടുത്ത സിറ്റിങ്ങിലേക്കും മാറ്റി.
അഡ്വ.ഒ.കെ പത്മപ്രിയ, അഡ്വ.അനില്റാണി എന്നിവരും കമ്മീഷന് സിറ്റിങ്ങില് പങ്കെടുത്തു.
