ന്യൂദല്ഹി: റിസര്വ് ബാങ്ക് ഗവര്ണ്ണര് സ്ഥാനത്തു നിന്നും രഘുറാം രാജനെ മാറ്റണമെന്നാവശ്യപ്പെട്ട് ഡോ. സുബ്രഹ്മണ്യന് സ്വാമി വീണ്ടും രംഗത്തെത്തി. രഘുറാം രാജനെതിരെ ആറോളം ആരോപണങ്ങള് ഉന്നയിച്ചുകൊണ്ട് സ്വാമി പ്രധാനമന്ത്രിയെ സമീപിച്ചു.
ചിക്കാഗോ യൂണിവേഴ്സിറ്റിയില് ഉണ്ടായിരുന്ന കാലത്തെ ഇമെയില് ഐഡി ഉപയോഗിച്ച് വളരെയധികം ഔദ്യോഗികമായതും രഹസ്യസ്വഭാവമുള്ളതും നിര്ണ്ണായകമായതുമായ വിവരങ്ങള് രഘുറാം രാജന് അയക്കുന്നത് ഗൗരവകരമാണ്. ആര്ക്കും തുറന്നുനോക്കാന് സാധിക്കുന്ന തരത്തിലുള്ളതാണ് ചിക്കാഗോ യൂണിവേഴ്സിറ്റി ഇമെയില്.
രാജ്യത്തെ ഏറ്റവും നിര്ണ്ണായകമായ പദവി വഹിക്കുമ്പോള് പോലും രഘുറാം രാജന് അമേരിക്കന് ഗ്രീന് കാര്ഡ് പുതുക്കുന്നതിനായി യുഎസ് യാത്രകള് നടത്തുന്നതായും സ്വാമി ആരോപിച്ചു. രാജ്യത്തിന്റെ റിസര്വ്വ്ബാങ്ക് ഗവര്ണ്ണറെന്ന പദവി അത്യന്തം ദേശാഭിമാനത്തോടെ നിര്വഹിക്കേണ്ട ഒന്നാണെന്ന് രഘുറാം രാജന് കാണുന്നില്ല. മാനസികമായി പൂര്ണ്ണ ഭാരതീയനല്ലാത്ത രഘുറാം രാജനെ പദവിയില് തുടരാന് അനുവദിക്കരുതെന്നാണ് സുബ്രഹ്മണ്യന് സ്വാമിയുടെ ആവശ്യം.
പ്രതികരിക്കാൻ ഇവിടെ എഴുതുക: