ടൊറന്റോ: കാനഡയില് ഭിന്നലിംഗക്കാരുടെ മാനുഷികവും നിയമപരവുമായ അവകാശ സംരക്ഷണം ലക്ഷ്യമിട്ടുളള മോണ്ട്രിയല് ഫെഡറല് നിയമനിര്മ്മാണം സഭയുടെ മേശപ്പുറത്ത് വയ്ക്കുമെന്ന് പ്രധാനമന്ത്രി ജസ്റ്റിന് ട്രൂഡോ. ഇക്കാര്യത്തില് രാജ്യത്തിന് ഏറെ കാര്യങ്ങള് ചെയ്യാനാകുമെന്നും ട്രൂഡോ ചൂണ്ടിക്കാട്ടി. ല്യൂറന്റ് മക് കാച്യുയന് പുരസ്കാരം സ്വീകരിച്ച ശേഷം സംസാരിക്കുകയായിരുന്നു അദ്ദേഹം.
സ്വവര്ഗാനുരാഗികള്ക്ക് വേണ്ടി ശക്തമായ നിലപാടെടുത്ത മക് കാച്യോണ് മോണ്ട്രിയല് ഹോട്ട്ലൈന് ഗെ എക്യൂട്ടിന്റെ അധ്യക്ഷനായിരുന്നു. 1982 മുതല് 2013വരെയാണ് അദ്ദേഹം ഈ സ്ഥാനം വഹിച്ചത്. അദ്ദേഹത്തിന്റെ പേരിലുളള പുരസ്കാര സ്വീകരണത്തിലൂടെ സ്വവര്ഗാനുരാഗികളോടുളള തന്റെ പിന്തുണ തുടര്ന്നും ഉണ്ടാകുമെന്ന പ്രഖ്യാപനം കൂടിയാണ് ഇദ്ദേഹം നടത്തുന്നത്.
രാജ്യത്ത് ഭിന്നലിംഗക്കാര് സംരക്ഷിക്കപ്പെടുന്നുണ്ടെന്നും അദ്ദേഹം അവകാശപ്പെട്ടു. സ്വവര്ഗാനുരാഗികളുടെ പരേഡില് അവര്ക്കൊപ്പം നടക്കുന്നതില് അഭിമാനിക്കുന്നവരായിരുന്നു രാജ്യത്തെ എല്ലാ പ്രധാനമന്ത്രിമാരെന്നും ട്രൂഡോ പറഞ്ഞു. നീതിക്ക് വേണ്ടി പോരാടുന്നവരോട് തങ്ങള് കൂറ് കാണിക്കണം. തത്വങ്ങളും യാഥാര്ത്ഥ്യങ്ങളും തമ്മിലുളള അന്തരം ഇല്ലാതാക്കാന് ശ്രമിക്കണമെന്നും അദ്ദേഹം പറഞ്ഞു. അതേസമയം നിര്ദ്ദിഷ്ട നിയമത്തിന്റെ വിശദാംശങ്ങളിലേക്ക് അദ്ദേഹം കടന്നില്ല.
നിയമം അധികം വൈകാതെ വരുമെന്ന് കഴിഞ്ഞാഴ്ച ഫെഡറല് ജസ്റ്റിസ് മന്ത്രാലയത്തിന്റെ വക്താവ് ജോളി വില്സണ് റെബോള്ഡും സൂചിപ്പിച്ചിരുന്നു. ലിംഗത്തിന്റെ അടിസ്ഥാനത്തിലുളള വിവേചനത്തെ കനേഡിയന് മനുഷ്യാവകാശ നിയമം നിരോധിച്ചിട്ടുമുണ്ട്.
നിര്ദ്ദിഷ്ട നിയമത്തെക്കുറിച്ചുളള വിശദാംശങ്ങള് ഇന്ന് പുറത്ത് വരുമെന്നാണ് പ്രതീക്ഷ. ഇത്തരം ആള്ക്കാര് ലോകത്ത് ഉണ്ടെന്നതും പോലും ചിലര് നിഷേധിക്കുന്നു. ഇവരെ സംരക്ഷിച്ചാല് മാത്രം പോരാ മുഖ്യധാരയിലേക്ക് ക്ഷണിക്കുകയും വേണമെന്നാണ് സാമൂഹ്യ പ്രവര്ത്തകരുടെ പക്ഷം. നേരത്തെ സമാനമായ നിയമം സെനറ്റില് പാസാകാതെ പോയിരുന്നു. ഹൗസ് ഓഫ് കോമണ്സാണ് അന്ന് നിയമം കൊണ്ട് വന്നത്.
