തൊടുപുഴ: തൊടുപുഴയില് നിയമം ലംഘിച്ച് സ്ഥാപിച്ച പരസ്യബോര്ഡുകള് മിനി സിവില് സ്റ്റേഷനില് കുന്നുകൂടുന്നു. വിവിധ രാഷ്ട്രീയപാര്ട്ടികള് നഗരത്തിലും പരിസര പ്രദേശത്തും അനധികൃതമായി സ്ഥാപിച്ച പരസ്യബോര്ഡുകളും കൊടിതോരണങ്ങളുമാണ് സിവില് സ്റ്റേഷന്റെ അകത്തളത്തില് കൂട്ടിയിട്ടിരിക്കുന്നത്. 500ലധികം പരസ്യബോര്ഡുകളാണ് ഇവിടെ തിങ്ങി നിറഞ്ഞ് കിടക്കുന്നത്. സ്ക്വാഡ് വിവിധ സ്ഥലങ്ങളില് അനധികൃതമായി സ്ഥാപിച്ച ബോര്ഡുകള് നീക്കം ചെയ്ത് വാഹനത്തില് ഇവിടെ എത്തിക്കുകയായിരുന്നു. ഇടത്-വലത് മുന്നണികളുടെ ബോര്ഡുകളാണ് ഇതില് അധികവും. ഇലക്ഷന് കമ്മീഷണര് കര്ശനമായ നിര്ദ്ദേശം കൊടുത്തിരുന്നെങ്കിലും ഇതൊന്നും പാലിക്കാതെ സ്ഥാപിച്ച ബോര്ഡുകളാണ് ഇവയിലധികവും. തെരഞ്ഞെടുപ്പ് തിങ്കളാഴ്ച്ച നടക്കാനിരിക്കെ ജില്ലയില് അനധികൃതമായി നിയമം തെറ്റിച്ച് പരസ്യബോര്ഡുകള് സ്ഥാപിക്കുന്നത് വര്ദ്ധിച്ച് വരികയാണ്. സ്വകാര്യ വ്യക്തികളുടെ ചുമരില് ഉള്പ്പെടെ പരസ്യങ്ങള് പതിക്കുന്നത് വ്യാപകമായി വരികയാണെങ്കിലും തെരഞ്ഞെടുപ്പ് സ്ക്വാഡ് ഇതൊന്നും കണ്ട ഭാവം നടിക്കുന്നില്ല. നിരവധി പഞ്ചായത്തുകളില് ഇലക്ട്രിക് പോസ്റ്റുകളില് ഉള്പ്പെടെ പരസ്യബോര്ഡ് വച്ച് കെട്ടിയിട്ടുണ്ട്. എവിഐപിയുടെ സ്ഥലത്തുള്പ്പെടെ ഇടത്-വലത് മുന്നണികളുടെ പരസ്യങ്ങള് സ്ഥാപിച്ചിട്ടും യാതൊരു നടപടിയും എടുക്കാതെ തെരഞ്ഞെടുപ്പ് സ്ക്വാഡ് ഒത്തുകളിക്കുകയാണെന്ന് ആരോപണമുണ്ട്. അതേസമയം വരുംദിവസങ്ങളില് പരിശോധന ശക്തമായി തുടരുമെന്നാണ് തെരഞ്ഞെടുപ്പ് വിഭാഗം നല്കുന്ന വിവരം.
നിയമം ലംഘിച്ച് സ്ഥാപിച്ച പരസ്യബോര്ഡുകള് സിവില് സ്റ്റേഷനില് കുന്നുകൂടുന്നു
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.