മുട്ടം: അറവുമാടിനെ കുത്തിനിറച്ച് പെരുമ്പാവൂരില് നിന്നും ഈരാറ്റുപേട്ടയ്ക്ക് വന്ന വാഹനം മുട്ടം പോലീസ് പിടിച്ചെടുത്തു. ഇന്നലെ രാവിലെ 10 മണിയോടെയാണ് വാഹനം പിടികൂടിയത്. രണ്ട് മാടുകളെ മാത്രം കൊണ്ടുവരാന് കഴിയുന്ന പിക്ക്അപ്പ് വാഹനത്തിലാണ് ആറുമാടുകളെ കുത്തിനിറച്ചത്. പെരുമ്പാവൂരില് നിന്നും വിവിധ പോലീസ് സ്റ്റേഷന് പരിധിയിലൂടെ കടന്നുവന്നിട്ടും മറ്റ് സ്ഥലങ്ങളില് വച്ച് വാഹനത്തെ കസ്റ്റഡിയില് എടുത്തില്ല. മുട്ടം പോലീസ് ഉണര്ന്ന് പ്രവര്ത്തിച്ചതിനാല് അറവുശാലയില് എത്തുന്നതിന് മുമ്പ് വാഹനം തടയുവാന് സാധിച്ചു. അറവുകാളകളെ കൊണ്ടുപോയി അറുത്ത് പോത്തിറച്ചിയായി വില്പ്പന നടത്തുന്ന വന് മാഫിയ ഈ രംഗത്ത് സജീവമാണ്. ഉദ്യോഗസ്ഥര് എല്ലാം തെരഞ്ഞെടുപ്പ് തിരക്കിലായതിനാല് ഈ സാഹചര്യം ഇറച്ചി കച്ചവടക്കാര് പ്രയോജനപ്പെടുത്തുകയാണ്. മുട്ടം എസ്ഐ വി ജയകുമാറിന്റെ നേതൃത്വത്തിലുള്ള പോലീസ് സംഘമാണ് വാഹനം കസ്റ്റഡിയില് എടുത്തത്. നിരവധി സ്റ്റേഷന് പരിധിയില്ക്കൂടി വാഹനം കടന്നുപോയിട്ടും പോലീസുകാര്പിടികൂടിയില്ല. ഒടുവില് അറവ് ശാലയ്ക്ക് തൊട്ടടുത്തുള്ള മുട്ടം പോലീസാണ് ഈ ക്രൂരതയ്ക്ക് നേതൃത്വം നല്കിയവരെ പിടികൂടിയത്. നിയമം ലംഘിച്ച് കന്നുകാലികളെ കടത്തുന്നതിനെതിരെ കര്ക്കശമായ നിയമം ഇല്ലാത്തത് ഇത്തരക്കാര്ക്ക് തുണയാകുന്നു
അറവുമാടുകളെ കുത്തിനിറച്ചെത്തിച്ച വാഹനം പിടിച്ചെടുത്തു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.