ചേര്‍ത്തല: ദൃശ്യവിരുന്നൊരുക്കി കലാജാഥ ചേര്‍ത്തല നിവാസികളുടെ മനം കവര്‍ന്നു. തെരഞ്ഞെടുപ്പ് പ്രചാരണത്തിന്റെ ഭാഗമായെത്തിയ എന്‍ഡി എ യുടെ കലാജാഥയാണ് കാഴ്ചക്കാര്‍ക്ക് നവ്യാനുഭവമായത്. പാലക്കാട് നിന്ന് പര്യടനം ആരംഭിച്ച ജാഥ പട്ടണക്കാട്, ചേര്‍ത്തല കെ.എസ് ആര്‍ ടി സി സ്റ്റാന്‍ഡിന് സമീപം, പ്രൈവറ്റ് സ്റ്റാന്‍ഡ് എന്നിവിടങ്ങളിലെ പര്യടനത്തിന് ശേഷം ആലപ്പുഴയിലേക്ക് പോയി. കേരളത്തിലെ ഇടത് വലത് മുന്നണികളുടെ കപട മതേതരത്വം തുറന്നു കാട്ടുന്നതായിരുന്നു നാടകത്തിന്റെ പ്രമേയം. ബി ജെ പി ക്കെതിരെ ഇരു കൂട്ടരും നടത്തുന്ന അസത്യ പ്രചരണങ്ങള്‍ക്കുള്ള തിരിച്ചടിയുമായി. വേലായുധന്‍ തൃശൂര്‍, വസന്ത പ്രസന്നന്‍ വാടാനപ്പള്ളി, അജികുമാര്‍ ചേര്‍ത്തല, വിജയനാരായണന്‍ വയനാട്, രഞ്ജിത്ത് തൃശൂര്‍, ബാലന്‍ പഴവൂര്‍, നാസര്‍ ഗുരുവായൂര്‍ എന്നിവരാണ് അഭിനേതാക്കള്‍. സുധീര്‍ ബാബു സംവിധാനം ചെയ്ത നാടകത്തിന്റെ രചന നിര്‍വഹിച്ചിരിക്കുന്നത് എന്‍.ആര്‍.മധുവാണ്. സജി നാരായണ നാണ് കോ ഓര്‍ഡിനേറ്റര്‍. വന്‍കിട ഈവന്റ് മാനേജ് മെന്റ് കമ്പനികളുടെ ഫഌഷ് മോബ് നടത്തിയ ഇരുമുന്നണികളെയും പിന്നിലാക്കി പ്രചാരണത്തില്‍ വ്യത്യസ്തത പുലര്‍ത്തുന്നതായിഎന്‍ഡി എ പ്രവര്‍ത്തകര്‍ നടത്തിയ തെരുവു നാടകം.
മനം കവര്‍ന്ന് കലാജാഥ
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.