കണ്ണൂര്‍: ഭാരതീയ പോസ്റ്റല്‍ ഫെഡറേഷന്‍ ഘടക യൂണിയനുകളുടെ 14-ാം സംസ്ഥാന സമ്മേളനം തിരുവനന്തപുരം ബിഎംഎസ് കാര്യാലയത്തില്‍ ബിഎംഎസ് സംസ്ഥാന ജനറല്‍ സെക്രട്ടറി എം.പി.രാജീവന്‍ ഉദ്ഘാടനം ചെയ്തു. ഉദ്ഘാടന സമ്മേളനത്തില്‍ സ്വാഗതസംഘം ചെയര്‍മാന്‍ പ്രൊഫ.എം.എസ്.രാജശേഖരന്‍ നായര്‍ അധ്യക്ഷത വഹിച്ചു. അഡ്വ.എം.പി.ഭാര്‍ഗവന്‍, പി.സുനില്‍കുമാര്‍, ഗോവിന്ദന്‍ തമ്പി, കെ.നാരായണന്‍, കെ.കെ.വിജയന്‍, സി.മന്‍മദന്‍പിള്ള എന്നിവര്‍ സംസാരിച്ചു.
പ്രതിനിധി സമ്മേളനം ബിപിഇഎഫ് ജനറല്‍ സെക്രട്ടറി എസ്.കെ.മിസ്‌റ ഉദ്ഘാടനം ചെയ്തു. കെ.ആര്‍.ശോഭനകുമാരി അധ്യക്ഷത വഹിച്ചു. ബാബു കുട്ടന്‍, എംജെ.ജോണ്‍സണ്‍, എസ്.അജയകുമാര്‍ എന്നിവര്‍ സംസാരിച്ചു. ചടങ്ങില്‍ ബിപിഇഎഫ് സ്ഥാപക നേതാക്കളില്‍ ഒരാളായ എം.രാജേശേഖരന്‍ നായരെ ആദരിച്ചു.
വിവിധ ഘടക യൂണിറ്റുകളുടെ പ്രവര്‍ത്തന റിപ്പോര്‍ട്ട് യഥാക്രമം കെ.കൃഷ്ണകുമാര്‍, പി.പ്രകാശന്‍, പി.എന്‍.ശശിധരന്‍ നായര്‍ എന്നിവര്‍ അവതരിപ്പിച്ചു. ഏഴാം ശമ്പളകമ്മീഷന്‍ റിപ്പോര്‍ട്ട് ഉടന്‍ അംഗീകരിച്ച് നടപ്പിലാക്കുക, ഡിജിഎസ് ജീവനക്കാരെ സ്ഥിരപ്പെടുത്തിക്കൊണ്ട് ബിപിഇഎഫ് അവരെ ക്ലാസ് ഫൈവ് ജീവനക്കാരാക്കുക, കേരളത്തിലെ തപാല്‍ അധികാരികള്‍ യൂണിയനുകളോട് കാണിക്കുന്ന അവഗണന അവസാനിപ്പിക്കുക, തപാല്‍ മേഖലയില്‍ പുത്തന്‍ പരിഷ്‌കാരങ്ങള്‍ അടിച്ചേല്‍പ്പിക്കുന്നതിന് മുമ്പായി കാലഹരണപ്പെട്ട കമ്പ്യൂട്ടര്‍ ഉപകരണങ്ങള്‍ മറ്റുപകരണങ്ങള്‍ മാറ്റിക്കൊണ്ട് പുത്തന്‍ കമ്പ്യൂട്ടര്‍, യുപിഎസ്, പ്രിന്റര്‍, ആവശ്യമായ സ്ഥലങ്ങളില്‍ ജനറേറ്റര്‍ എന്നിവ സ്ഥാപിക്കുക, പോസ്റ്റോഫീസ് കെട്ടിടങ്ങളുടെയും സ്റ്റാഫ് ക്വാര്‍ട്ടേഴ്‌സുകളുടെയും അറ്റകുറ്റ പണികള്‍ ഉടന്‍ നടത്തുക, ഫനാകിള്‍, മീകാമിഷ് എന്നിവ നടപ്പിലാക്കുമ്പോഴുണ്ടായ ബുദ്ധിമുട്ടുകള്‍ ഉടന്‍ പരിഹരിക്കുക എന്നീ ആവശ്യങ്ങള്‍ ഉന്നയിച്ചുകൊണ്ട് പ്രക്ഷോഭ സമര പരിപാടികള്‍ നടത്താനും ഈ ആവശ്യങ്ങള്‍ അടങ്ങിയ നിവേദനം കേന്ദ്ര കമ്മ്യൂണിക്കേഷന്‍/ഐടി വകുപ്പ് മന്ത്രിക്കും ഉന്നത തപാല്‍ അധികാരികള്‍ക്കും നല്‍കുവാന്‍ തീരുമാനിച്ചു.
സമ്മേളനം പുതിയ സര്‍ക്കിള്‍ കോഡിനേഷന്‍ കമ്മറ്റി ചെയര്‍മാനായി പി.ഗോവിന്ദന്‍കുട്ടി (തൃശ്ശൂര്‍)യെയും കണ്‍വീനറായി കെ.കൃഷ്ണ കുമാര്‍ (പത്തനംതിട്ട)യെയും തെരഞ്ഞെടുത്തു. ഘടക യൂണിറ്റുകളുടെ പുതിയ സര്‍ക്കിള്‍ ഭാരവാഹികളായി പോസ്റ്റല്‍ ക്ലാസ് മൂന്ന്: വിജയന്‍ പി.പകരത്ത് മഞ്ചേരി (പ്രസിഡണ്ട്), പി.കെ.സദാനന്ദന്‍ കണ്ണൂര്‍ (സെക്രട്ടറി), പി നാല് : പി.പ്രകാശന്‍ പത്തനംതിട്ട (പ്രസിഡണ്ട്), കെ.കെ.വിനോദന്‍ തലശ്ശേരി (സെക്രട്ടറി), ജിഡിഎസ് : എന്‍.ജയകുമാര്‍ തിരുവനന്തപുരം സൗത്ത് (പ്രസിഡണ്ട്), എന്‍.കൃഷ്ണന്‍ മഞ്ചേരി (സെക്രട്ടറി), ആര്‍ മൂന്ന് : വി.ജി.കേശവന്‍ കോഴിക്കോട് (പ്രസിഡണ്ട്), കെ.എം.ശ്രീകൃഷ്ണന്‍ ഒറ്റപ്പാലം (സെക്രട്ടറി), ആര്‍ നാല്: ബി.ഭാസ്‌കരന്‍ കാസര്‍ഗോഡ് (പ്രസിഡണ്ട്), പി.അനല്‍കുമാര്‍ കോഴിക്കോട് (സെക്രട്ടറി) എന്നിവരെ തെരഞ്ഞെടുത്തു.
