ചെറുപുഴ: നീരൊഴുക്ക് നിലച്ച തേജസ്വിനി പുഴയില്‍ ചെറുപുഴ കമ്പിപ്പാലത്തിന് താഴെ വിഷം കലക്കി മീന്‍പിടിക്കുന്നത് വ്യാപകമായി. കഴിഞ്ഞദിവസം കമ്പിപ്പാലത്തിന് താഴെ വിഷം കലക്കി മീന്‍പിടിക്കാനുള്ള ശ്രമത്തെത്തുടര്‍ന്ന് നിരവധി മീനുകള്‍ ചത്തുപൊങ്ങി. പുഴയോരത്ത് നിന്നും രൂക്ഷഗന്ധം ഉയര്‍ന്നതോടെ നാട്ടുകാര്‍ നടത്തിയ തെരച്ചിലിലാണ് പുഴയില്‍ മീനുകള്‍ ചത്തുപൊങ്ങിയത് കണ്ടത്. വേനലായതോടെ നിരവധി ആളുകള്‍ പുഴയെ ആശ്രയിച്ചാണ് കുടിക്കാനും കുളിക്കാനുമൊക്കെ വെള്ളം ശേഖരിക്കുന്നത്. മീനുകള്‍ ചത്തുമലച്ചതോടെ പുഴവെള്ളം പൂര്‍ണമായി മലിനമായി. പാറയിടുക്കിലും മറ്റും കുടുങ്ങിയ മത്സ്യങ്ങള്‍ പുഴയില്‍ ഒഴുകുകയാണ്. ഈ ഭാഗത്ത് മൂന്നോളം വലയും പുഴയില്‍ ഉണ്ടായിരുന്നു. ഇതില്‍ നിരവധി വന്‍ മത്സ്യങ്ങള്‍ കുടുങ്ങി ചത്തു ചീഞ്ഞ നിലയിലായിരുന്നു. വിഷം കലക്കിയും വലയിട്ടും തോട്ടപൊട്ടിച്ചും മറ്റും പുഴയില്‍ നിന്ന് മീന്‍പിടിക്കുന്നവര്‍ക്കെതിരെ കര്‍ശനനടപടിയെടുക്കണമെന്നാണ് നാട്ടുകാരുടെ ആവശ്യം.
നീരൊഴുക്ക് നിലച്ച തേജസ്വിനി പുഴയില്‍ വിഷം കലക്കി മീന്‍പിടിക്കുന്നത് വ്യാപകമാകുന്നു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.