തളിപ്പറമ്പ്: തളിപ്പറമ്പ് മണ്ഡലത്തിലെ എന്ഡിഎ സ്ഥാനാര്ത്ഥി പി.ബാലകൃഷ്ണന് മാസ്റ്ററുടെ പ്രചാരണം ഇന്നലെ വളവില് ചേലേരിയില് ബിജെപി ജില്ലാ ജനറല് സെക്രട്ടറി കെ.കെ.വിനോദ് കുമാര് ഉദ്ഘാടനം ചെയ്തു. തളിപ്പറമ്പ് ടാഗോര് സ്കൂളിലെ പ്രധാനാധ്യാപകന് ആത്മഹത്യ സംഭവത്തിന് ഇടതു സ്ഥനാര്ത്ഥി ജെയിംസ് മാത്യു ഒളിവില് പോയത് എന്തിനെന്ന് വ്യക്തമാക്കണമെന്ന് കെ.കെ.വിനോദ് കുമാര് ആവശ്യപെട്ടു. കഴിഞ്ഞ ആറുപതിറ്റാണ്ട് ഇടതുവലതു മുന്നണികള് കേരളം ഭരിച്ചിട്ട് ഇനിയും എല്ഡിഎഫ് വരും എല്ലാം ശരിയാകും എന്ന് പറയാന് ഇടതു മുന്നണിക്ക് ലജ്ജയില്ലേ എന്ന് അദ്ദേഹം ചോദിച്ചു. വികസന മുന്നേറ്റത്തെ എല്ലാ കാലത്തും പിറകോട്ട് വലിച്ച ചരിത്രമാണ് ഇടതു വലതു മുന്നണികള്ക്ക്. മെഷീന് ഉപയോഗിച് കല്ല് വെട്ടുന്നതിനെതിരെ സമരം ചെയ്ത നേതാക്കള് പിന്നെ പണ മുതലാളിമാരായത് നമ്മള് കണ്ടു. കമ്പ്യൂട്ടര് വരുന്നതിനെതിരെ സമരം ചെയ്ത സഖാക്കള്ക്കിപ്പോള് കമ്പ്യൂട്ടറും മൊബൈലും ഫെയ്സ്ബുക്കും വാട്സപ്പും ഇല്ലാതെ ജീവിക്കാനാവില്ല എന്ന സ്ഥിതിയാണ്. വെട്ടിനിരത്തല് സമരം നടത്തിയ സഖാക്കള് വയലുകള് നികത്തി പാര്ട്ടി ഓഫീസും, മാര്ബിള് കച്ചവടവും നടത്തുകയാണെന്ന് അദ്ദേഹം പരിഹസിച്ചു. പരിപാടിയില് എന്.ഡി.എ ചെയര്മാന് ശ്രീധരന് കാരറ്റ് ആര്എഎസ്എസ് വിഭാഗ് കാര്യകാര്യ സദസ്യന് കെ.സജീവന് മാസ്റ്റര്, മുണ്ടേരി ചന്ദ്രന്, കുണ്ടുംകര മോഹനന് എന്നിവര് സംസാരിച്ചു.
തളിപ്പറമ്പ് ടാഗോര് സ്കൂളിലെ പ്രധാനാധ്യാപകന്റെ ആത്മഹത്യ; ജെയിംസ് മാത്യു ഒളിവില് പോയത് എന്തിനെന്ന് വ്യക്തമാക്കണം: കെ.കെ.വിനോദ്കുമാര്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.