മട്ടന്നൂര്: സ്ത്രീകളുടെ അവകാശ നീതിക്കായി പോരാടുമെന്ന് എന്ഡിഎ മട്ടന്നൂര് മണ്ഡലം സ്ഥാനാര്ത്ഥി ബിജു ഏളക്കുഴി പറഞ്ഞു. വിവിധ സ്ഥലങ്ങളില് തെരഞ്ഞെടുപ്പ് പ്രചരണ ജാഥക്ക് ലഭിച്ച സ്വീകരണവേദികളില് സംസാരിക്കുകയായിരുന്നു അദ്ദേഹം. കൊല്ലം ജില്ലയിലെ പെരുമ്പാവൂരില് ജിഷ എന്ന യുവതി ഏപ്രില് 28ന് പീഡനത്തിനിരയായി ദാരുണാന്ത്യം കൈവരിച്ചതിനെ സ്മരിച്ച് വേദനിക്കുമ്പോഴും പത്രമാധ്യമങ്ങളില് സഹോദരിമാര് പീഡനത്തിനിരയായ വാര്ത്തകള് കാണുന്നു. അത് കേരളത്തിന്റെ സ്ത്രീസംരക്ഷണത്തിന്റെ മറ്റൊരുമുഖത്തെ തുറന്നുകാട്ടുന്നുവെന്നും അതിനെ ചെറുത്തുനില്ക്കാനും സഹോദരിമാരുടെ പ്രാണനിലവിളികള് അവസാനിപ്പിക്കാന് എന്ഡിഎ സാരഥികള് വിജയിക്കേണ്ടത് അനിവാര്യമാകുന്നുവെന്നും അദ്ദേഹം കൂട്ടിച്ചേര്ത്തു.
ഇന്നലെ മട്ടന്നൂര് നഗരസഭ, തില്ലങ്കേരി, പടിയൂര് പഞ്ചായത്തുകളില് പര്യടനം നടത്തി. മുണ്ടയോട്, കായലൂര്, വെമ്പടി, കോളാരി, കാര്ക്കോട്, പടിക്കച്ചാല്, പള്ള്യം, തെക്കംപൊയില്, ചാളപ്പറമ്പ്, വാഴക്കാല്, കാരക്കുന്ന്, ചടച്ചിക്കുണ്ടം, കരവൂര്, കല്ലുവയല്, പുലിക്കാട്, ആര്യങ്കോട്, പടിയൂര്, പെരുമണ്ണ് എന്നിവിടങ്ങളിലെ സ്വീകരണങ്ങള്ക്ക് ശേഷം ജാഥ കുയിലൂരില് സമാപിച്ചു. സമാപന സമ്മേളനത്തില് ജില്ലാ സെക്രട്ടറി വിജയന് വട്ടിപ്രം ആര്എസ്എസ് ജില്ലാ കാര്യകാരി സദസ്യന് കെ.സജീവന്, ബിജെപി ജില്ലാ വൈസ് പ്രസിഡണ്ട് വി.വി.ചന്ദ്രന്, എ.കൃഷ്ണന് എന്നിവര് സംസാരിച്ചു. ബിജെപി ജില്ലാസെക്രട്ടറി വി.വി.ചന്ദ്രന്, രതീഷ്, രജീഷ്, ബാബു, മൂര്ക്കോത്ത് ദേവദാസ്, ശങ്കരന്, ദിനേശന്, മനോജ്, ജിതേഷ്, അജേഷ്, കാര്ത്തികേയന് തുടങ്ങിയവര് പര്യടനത്തിന് നേതൃത്വം നല്കി.
ജാഥ ഇന്ന് രാവിലെ 9 മണിക്ക് കളറോഡില് നിന്ന് ആരംഭിക്കും. തുടര്ന്ന് പാലോട്ടുപള്ളി, ഇല്ലംമൂല, അയ്യല്ലൂര്, മേലേ കരേറ്റ, മുണ്ടോറപ്പൊയില്, മഞ്ചേരിപ്പൊയില്, ദേവര്കാട്, താഴേ പഴശ്ശി എന്നിവിടങ്ങളിലെ സ്വീകരണത്തിന് ശേഷം ഉച്ചക്ക് 2.30ന് നെല്ലൂന്നിയില് സമാപിക്കും.
