കണ്ണൂര്: നിയമസഭാ തെരഞ്ഞെടുപ്പുമായി ബന്ധപ്പെട്ട് പോളിങ്ങ് ഡ്യൂട്ടിക്ക് നിയോഗിക്കപ്പെട്ടിട്ടുളള ഉദ്യോഗസ്ഥന്മാര്ക്കുളള രണ്ടാംഘട്ട പരിശീലന ക്ലാസ്സുകള് 7, 8, 9 തീയ്യതികളിലായി ജില്ലയിലെ 11 നിയമസഭാ മണ്ഡലങ്ങളിലെ 22 കേന്ദ്രങ്ങളിലായി നടക്കും. രാവിലെ 10 മുതല് 2 മണി വരെയാണ് പരിശീലനം. തെരഞ്ഞെടുപ്പ് പരിശീലനത്തിന് ഹാജരാവുന്നതിന് ഉത്തരവ് ലഭിച്ചിട്ടുളള മുഴുവന് ഉദ്യോഗസ്ഥരും നിര്ബന്ധമായും നിശ്ചിത ദിവസങ്ങളില് പരിശീലന ക്ലാസില് പങ്കെടുക്കേണ്ടതാണ്. അല്ലാത്തപക്ഷം അത്തരം ഉദ്യോഗസ്ഥര്ക്കെതിരെ ജനപ്രാതിനിധ്യനിയമമനുസരിച്ചുളള ശിക്ഷാ നടപടികള് സ്വീകരിക്കുന്നതും തുടര്നടപടികള്ക്കായി തെരഞ്ഞെടുപ്പ് കമ്മീഷന് ശുപാര്ശ നല്കുന്നതുമായിരിക്കുമെന്ന് ജില്ലാ കലക്ടര് അറിയിച്ചു.
തെരഞ്ഞെടുപ്പ് ഡ്യൂട്ടിക്ക് നിയോഗിക്കപ്പെട്ടവര്ക്കുളള പോസ്റ്റല് ബാലറ്റ് അപേക്ഷകള് നിയമന ഉത്തരവിനോടൊപ്പം നല്കിയിട്ടുണ്ട്. ജില്ലയിലെ 11 നിയമസഭാ മണ്ഡലങ്ങളില് വോട്ടര്മാരായിട്ടുളള ഉദ്യോഗസ്ഥര്ക്ക് പോസ്റ്റല് ബാലറ്റിനുളള പൂരിപ്പിച്ച അപേക്ഷകള് നിയമന ഉത്തരവിന്റെ പകര്പ്പ് സഹിതം പരിശീലന കേന്ദ്രത്തില് നല്കാവുന്നതാണ്. ജില്ലയ്ക്ക് പുറത്ത് വോട്ടര്മാരായിട്ടുളള പരിശീലന ഉദ്യോഗസ്ഥന്മാര് അപേക്ഷ തപാല് മുഖേനയോ, നേരിട്ടോ ബന്ധപ്പെട്ട റിട്ടേണിങ്ങ് ഓഫീസര്മാര്ക്ക് നല്കേണ്ടതാണ്. തദ്ദേശസ്വയംഭരണ സ്ഥാപനങ്ങളിലേക്കുളള തെരഞ്ഞെടുപ്പിനുളള വോട്ടര്പട്ടികയും നിയമസഭാ തെരഞ്ഞെടുപ്പിനുളള വോട്ടര്പട്ടികയും പൂര്ണ്ണമായും വ്യത്യസ്തമാണ്. ആയതിനാല് നിയമഭാ തെരഞ്ഞെടുപ്പിനായി പ്രസിദ്ധീകരിച്ചിട്ടുളള വോട്ടര്പട്ടികയിലെ ക്രമനമ്പറും, പോളിങ്ങ് സ്റ്റേഷന് നമ്പറും തന്നെയാണ് പോസ്റ്റല് ബാലറ്റിനുളള അപേക്ഷയില് ചേര്ത്തത് എന്ന് ഉറപ്പ് വരുത്തേണ്ടതാണ്. ക്രമനമ്പറും പാര്ട്ട് നമ്പറും തെറ്റായി രേഖപ്പെടുത്തുന്ന അപേക്ഷകള് നിരസിക്കപ്പെടും. വോട്ടര്പട്ടികയിലെ ക്രമനമ്പറും പാര്ട്ട് നമ്പറും(ബൂത്ത് നമ്പര്) അറിയുന്നതിന് ംംം.രലീ.സലൃമഹമ.ഴീ്.ശി എന്ന വെബ്സൈറ്റിലെ ഇലക്ടറല് റോള് സെര്ച്ച് സൗകര്യം ഉപയോഗപ്പെടുത്താവുന്നതാണ്. എസ്എംഎസിലൂടെ അറിയുന്നതിന് ഇഎല്ഇ < ഐഡി കാര്ഡ് നമ്പര്> 54242 എന്ന നമ്പറിലേക്ക് എസ്എംഎസ് ചെയ്താല് മതിയാകും. പോസ്റ്റല് ബാലറ്റിനുളള അപേക്ഷകളില് അപേക്ഷകന്റെ മെബൈല് ഫോണ് നമ്പര് ചേര്ക്കുന്നത് നല്ലതായിരിക്കും.
പരിശീലന കേന്ദ്രങ്ങള്: പയ്യന്നൂര് ബ്ലോക്ക് പഞ്ചായത്ത് കോണ്ഫറന്സ് ഹാള്, പയ്യന്നൂര് കോളേജ് സെമിനാര് ഹാള്, കെപിആര് ഗോപാലന് മെമ്മോറിയല് എച്ച്എസ്എസ് (വെന്യു 2), കെപിആര് ഗോപാലന് മെമ്മോറിയല് എച്ച്എസ്എസ് (വെന്യു 1), തളിപ്പറമ്പ് ബിഡിഒ ഓഫീസ് കോണ്ഫറന്സ് ഹാള്, തളിപ്പറമ്പ് ബിഡിഒ ഓഫീസ് സെമിനാര് ഹാള്, മൂത്തേടത്ത് എച്ച് എസ്, തളിപ്പറമ്പ് (വെന്യു 1), മൂത്തേടത്ത് എച്ച് എസ്, തളിപ്പറമ്പ്, കെഎംഎം വനിതാ കോളേജ്(വെന്യൂ 1, 2), കലക്ടറേറ്റ് ഓഡിറ്റോറിയം, ജില്ലാ പഞ്ചായത്ത് കോണ്ഫറന്സ് ഹാള്, എടക്കാട് ബിഡിഒ ഓഫീസ് കോണ്ഫറന്സ് ഹാള്, എസ്എന്ട്രസ്റ്റ് എച്ച്എസ്എസ്, തോട്ടട, സേക്രഡ്് ഹര്ട്ട് എച്ച്എസ്എസ്, തലശ്ശേരി (വെന്യു 1, 2), മുനിസിപ്പല് ഓഫീസ് കോണ്ഫറന്സ് ഹാള്, കൂത്തുപറമ്പ്, ബിഡിഒ ഓഫീസ് കോണ്ഫറന്സ് ഹാള്, കൂത്തുപറമ്പ്, മട്ടന്നൂര് എച്ച്എസ്എസ്, മട്ടന്നൂര് എച്ച്എസ്എസ് (മെയിന് ഹാള്), സെന്റ് ജോസഫ് എച്ച്എസ്എസ്, തുണ്ടിയില്-1, 2.
