പാനൂര്/കൂത്തുപറമ്പ്: എന്ഡിഎ സ്ഥാനാര്ത്ഥി സി.സദാനന്ദന്മാസ്റ്ററുടെ നാലാംഘട്ട തെരഞ്ഞെടുപ്പ് പര്യടനത്തിന് കൊങ്കച്ചിയില് തുടക്കമായി. സിപിഎം കേന്ദ്രങ്ങളിലടക്കം ആവേശോജ്ജ്വല സ്വീകരണം. ഇന്നലെ രാവിലെ പ്രചരണവാഹനജാഥയുടെ ഉദ്ഘാടനം എബിവിപി സംസ്ഥാന ഉപാദ്ധ്യക്ഷന് പ്രിന്റു മാസ്റ്റര് നിര്വ്വഹിച്ചു. ടി.രാഘവന് അദ്ധ്യക്ഷത വഹിച്ചു. സി.സദാനന്ദന്മാസ്റ്റര് പ്രസംഗിച്ചു. യു.മോഹന്ദാസ് സ്വാഗതവും കെ.ഷംജിത്ത് നന്ദിയും പറഞ്ഞു. തുടര്ന്ന് ബ്രഹ്മാവ്മുക്ക്, കിഴക്കെകതിരൂര്, ഓട്ടച്ചിമാക്കൂല്, പൂക്കോട്, പാലാപറമ്പ്, തൊക്കിലങ്ങാടി എന്നിവിടങ്ങളില് പര്യടനം നടത്തി. സിപിഎമ്മിന്റെ ശക്തികേന്ദ്രങ്ങളായ പ്രദേശങ്ങളിലെല്ലാം വന്ജനപങ്കാളിത്തമാണ് ഉണ്ടായത്. ഇടതു-വലതു മുന്നണികളുടെ ഒത്തുതീര്പ്പു രാഷ്ട്രീയവും സിപിഎം അക്രമവും യുഡിഎഫ് അഴിമതിയും തുറന്നുകാട്ടി എന്ഡിഎ നേതാക്കള് പ്രസംഗിച്ചു. ഓരോ കേന്ദ്രങ്ങളിലും പടക്കംപൊട്ടിച്ചും മുദ്രാവാക്യം വിളിച്ചും ജനനായകനെ ആളുകള് വരവേറ്റു. കക്ഷി രാഷ്ട്രീയത്തിനതീതമായി കണ്ണൂരിലെ അസഹിഷ്ണുത രാഷ്ട്രീയത്തിന്റെ ജീവിക്കുന്ന പ്രതീകമായ സദാനന്ദന്മാസ്റ്റര്ക്ക് ഓരോ ദിനംകൂടുന്തോറും വിജയപ്രതീക്ഷ വര്ദ്ധിക്കുകയാണ്. അക്രമവും അഴിമതിയും ഇല്ലാത്ത സദ്ഭരണത്തിന് ഒരുവോട്ട് നല്കണമെന്ന് സദാനന്ദന്മാസ്റ്റര് വോട്ടര്മാരോട് അഭ്യര്ത്ഥിക്കുന്നു. ആമ്പിലാട്, മൂര്യാട്, കിണവക്കല്, കോലകാവ്, മാഞ്ചിമുക്ക് എന്നിവിടങ്ങളിലെല്ലാം സദാനന്ദന്മാസ്റ്റര്ക്ക് പ്രൗഢമായ സ്വീകരണമാണ് ലഭിച്ചത്. ബിഡിജെഎസ് നേതാക്കളായ ഇ.മനീഷ്, കെ.സജീവന്, കര്ഷകമോര്ച്ച ജില്ലാപ്രസിഡണ്ട് വി.പി.ബാലന്, ജെഎസ്എസ് ജില്ലാസെക്രട്ടറി എടച്ചോളി ഗോവിന്ദന്, ബിജെപി മണ്ഡലം പ്രസിഡണ്ട് വി.പി.സുരേന്ദ്രന്, എ.പി.പുരുഷു, രാജേഷ്കൊച്ചിയങ്ങാടി, കെ.കെ.ധനഞ്ജയന്, കെ.കാര്ത്തിക, എപി.വസന്ത, എന്.രതി, ചന്ദ്രിക തുടങ്ങിയവര് വിവിധ കേന്ദ്രങ്ങളില് പ്രസംഗിച്ചു. കോട്ടയംപൊയിലില് സമാപിച്ചു.
