തിരുവനന്തപുരം: സുരക്ഷാമാനദണ്ഡങ്ങളില്ലാതെ ഡ്രയിനേജ് പൈപ്പ് സ്ഥാപിക്കാന് റോഡില് കുഴിയെടുത്തുകൊണ്ടു നിന്ന തൊഴിലാളി അപകടത്തില്പ്പെട്ടു. കിള്ളിപ്പാലം ആറ്റുകാല് ബണ്ട് റോഡില് കുഴിയെടുക്കുമ്പോള് ഇന്നലെ ഉച്ചയോടെയായിരുന്നു അപകടം. പത്ത് അടിയോളം താഴ്ചയില് ജെസിബി ഉപയോഗിച്ച് കുഴിയെടുത്തു. തുടര്ന്ന് രണ്ട് തൊഴിലാളികള് കുഴിയ്ക്കുള്ളില് ഇറങ്ങി പൈപ്പ് സ്ഥാപിക്കുന്നതിനുവേണ്ടി കുഴിയുടെ അടിഭാഗത്തെ വിസ്തീര്ണ്ണം വര്ദ്ധിപ്പിക്കുകയായിരുന്നു. ഇതിനിടയില് ഇരുവശത്തുനിന്ന് മണ്ണ് ഇടിഞ്ഞ് തൊഴിലാളിയുടെ ദേഹത്തു പതിക്കുകായായിരന്നു. ചെങ്കല്ചൂള സ്വദേശികളായ നൗഷാദും, സുകുമാരനുമായിരുന്നു കുഴിക്കുള്ളില്. നൗഷാദിന്റെ ശരീരഭാഗം മൂടുന്നനിലിയില് മണ്ണ് പതിച്ചു. സുകുമാരന്റെ നിലവിളി കേട്ട് സമീപത്തുനിന്നും ചുമട്ടുതൊഴിലാളികള് എത്തി നൗഷാദിനെ പുറത്തെടുത്ത് സമീപത്തെ സ്വകാര്യ ആശുപത്രിയില് പ്രവേശിപ്പിച്ചു. കോഴിക്കോട് ഡ്രെയിനേജ് പൈപ്പ് നന്നാക്കാന് ഇറങ്ങവെ അന്യസംസ്ഥാന തെഴിലാളികള് അടക്കം മൂന്ന് പേര് മരിക്കാനിടയായ സംഭവത്തെതുടര്ന്ന് റോഡ് കുഴിക്കുമ്പോള് കര്ശന സുരക്ഷാ ഒരുക്കണമെന്ന് സര്ക്കാര് നിര്ദ്ദേശിച്ചിട്ടുണ്ട്. ഇതൊന്നും പാലിക്കാതെയാണ് തൊഴിലാളികളെ കുഴിയിലേക്ക് ഇറക്കിയത്.
സുരക്ഷാ മാനദണ്ഡങ്ങളില്ല; തൊഴിലാളി അപകടത്തില്പ്പെട്ടു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.